PELAJARAN 03
Na Surah Rieling Worumai Kang?
Surah Rieling miamu, wong ya pakang faring homi mia. Na Edi bay omaha ba Surah Rieling wosakolah hekang ko e hiyeng. Wai afena, ko E wal te Surah Rieling worumai na. Na E wotanut, ’Buku asing heimu E worumai kang? Na wong ba Surah Rieling homi mia hekang dar hadoa, ya pakang ba miy ariy falaka mihadasama ba Surah Rieling homi mia ko demidalek re na?’ Ama jutaan de worumai ba Surah Rieling mu worumai kang. Miye he bukti wei pi wobesar ya hedi paneng ba Edi bay E worumai kang.
1. Kisah wei ba Surah Rieling mia na pernah midaleki?
Surah Rieling de wofang nal ba homi mia mu ”kul-kul nal hiyeng rofi”. (Pengkhotbah 12:10) Nal karikarnuku dotafuda ba Surah Rieling de wobesarmu kul midaleki. Heyera ya heleng ba midaleki bay Surah Rieling de wofani. Wai afena, amakang ya heyera dotafuda ba Surah Rieling de wofang dar hadoa. (Lukas 1:3; 3:1, 2 mibaca.) Hedimu sejarah ya nal lunga wei ba ama wotahai mu de herofi wofang.
2. Surah Rieling mu lunga he bileni, haba nalawuhe pi worumai ba hekangmu dar hadoa?
Surah Rieling mu nal-nal ba lunga ama dar hiyeng na de tafuda wofang, hedosama adiy ya buku dotafuda. Surah Rieling bileng mia mu, ama faring hetanutmu tara-tara ba miy nalahe Surah Rieling dewobesarmu mihadasama. Haba miti miye, nalahe Surah Rieling de wofang ilmu pengetahuan ba yala hei de herofi wofang. Hare, nalahe Surah Rieling de wofang pi ”worumai . . . mihalor”.—Mazmur 111:7, 8.
3. Nalawuhe pi worumai pakang wei ba Surah Rieling homi miamu de kul midalek?
Surah Rieling homi mia, pakang wei ba ”dar midalek na” de wopokafang. (Yesaya 46:10) Surah Rieling de kul-kul pakang hedi wei herofi wofang, ya pakang wei ba dar midalek na bay de wofang. Nalahe midalek ba miy ruli opi mihadasama he kiding-kiding wei bay Surah Rieling de wofang. Pelajaran opi mia, pakang kabei ba Surah Rieling homi mia ba kul-kul midaleki hedi he pi wobesar.
FARING OHIYENG TE
Nal-nal ba Surah Rieling ya ilmu pengetahuan dil dosama he pi kabei wobesar. Pakang kabei ba Surah Rieling mia ba kul mitaha pi kabei wobesar.
4. Surah Rieling ya ilmu pengetahuan ba yala hei dil dosama
Asing mia, ama faring de worumai ba buku opi nal nuku hatukai. VIDEO haber.
Tung 3.500 mihapieti ba nalahe buku Ayub de bileni miye pi hehalal. Ayub 26:7 mibaca, hetatangar opi wobesar:
-
Ayat hedi de wofang buku opi ”petang taka mitilaka”. Nalawuhe miwofang ba loring opi kul mitaha?
Anui ba sei dei toluoli wai dawai mara deiy tabekil her ba wai dawai sei tung 200 tehu ama hefalaka hiyeni. Haba, tung 3.500 mia nalahe Surah Rieling de wofang miye pi hehalal. Ayub 36:27, 28 mibaca, ya hetatangar opi wei wobesar:
-
Anui ba sei dei toluol wai dawai mara deiy tabekil her ba wai sei nalawuhe hefalaka mu la eki?
-
Ayat wei ba eyala mibaca wosiki, na E worumai miy Surah Rieling mihadasama wai mitau?
5. Peristiwa ba penting wei Surah Rieling de wopakang diy
Yesaya 44:27–45:2 mibaca, ya hetatangar opi wobesar:
-
Tung 200 ba Babilon dar hayei na nalahe Surah Rieling dewopakang diy?
Bukti ba sejarah mia de wotiyeng diy ba Kores Lei Persia tung 539 Dar Masehi na de Babilon hado hayei. Kota Babilon he uiy taha, uli lea nuku hobalei ba hedi de paneng de rama amoni homi mia. Kores ya he tentara ba faring wei dokari iya hedi hatiri. Hedi wosiki, kota hedi he awei wal wosieri na hare de miwei nahani, ya ama wala hadanatea na hare kota hedi de hado hayei. Yala, tung 2.500 mihapieti, kota hedi heyera he iti. Pakang ba Surah Rieling mia ba nal hedi hei miye pi hehalal.
Yesaya 13:19, 20 mibaca, ya hetatangar opi wobesar:
-
Lateiur pakang hedi kul midaleki?
Babilon ba taraki heyera yala ya Irak mia
6. Nalahe ruli opi midalek Surah Rieling de wopakang diy
Pi masa mia Surah Rieling de wofang ”leng ba hewosik”. (2 Timotius 3:1) Leng ba hewosik nalahe Surah Rieling de wopakang diy miye pi hehalal:
Matius 24:6, 7 mibaca, ya hetatangar opi wobesar:
-
Leng ba hewosik, Surah Rieling dewofang nala-nalahe ko demidalek?
2 Timotius 3:1-5 mibaca, ya hetatangar opi wei wobesar:
-
Surah Rieling de wofang, leng ba hewosik miamu amakang hepak hepanengmu lateiuda?
-
Pak paneng teiuda he amina mia dalek ba E hiyeng?
WALA DE WOFANG: ”Peristiwa kabei ba Surah Rieling mia wal midaleki na.”
-
Nalahe paneng ba E kul-kul Surah Rieling worumai?
PELAJARAN OPI HE INTI
Surah Rieling worumai kang hedimu sejarah ya ilmu pengetahuan dosama ya pakang ba Surah Rieling mia kul midaleki wuhe.
Nalahe E Wosakolah?
-
Na kisah wei ba Surah Rieling homi mia pernah midaleki?
-
Contoh teihe wotiyeng diy ba Surah Rieling ya ilmu pengetahuan dil dosama?
-
Na E worumai, Surah Rieling de birang ariy falaka hei wopokafang kang? Nalawuhe E heiur wohawai?
WAI FARING OHIYENG TE
Ilmu pengetahuan ba Surah Rieling de wofang ya ilmu pengetahuan ba yala hei dosama re na?
”Ilmu Pengetahuan ya Surah Rieling na dil Dosama?” (Artikel web, loring Indonesia mia)
”Leng hewosik” nala-nalahe midalek?
Lateiur pakang ba Surah Rieling mia miy Yunani mihadasama kul midaleki?
Ama neng nuku delateiur Surah Rieling worumai hedimu pakang ba Surah Rieling mia de wosakolah wuhe he pengalaman E mibaca kang.
”Neiy Haluol, Allah Wal Na” (Menara Pengawal No. 5 2017, loring Indonesia mia)
