Allah kang hamol ya, maring kang he heiyeri. Dei domaha, tofa homi mia kang hamol te. (1 Timotius 1:11) Teimiy teypung he paneni. Teimiy teypung hiyeng rofi, tofa homi dekang hamol. Kano fila wei bay, rama amoni homi mia ya, afeng ba pi mia bay derumai. Ama Kristen hukum pemerentah heluk hare, teimiy teypung mati tana bileng te.​—Mihalal Lukas 2:1, 4, 5.

Teimiy teypung Allah delateiur hehalal? Yehuwa he domaha ama neng ya ama mol, deimiy deypung rumai te. Yehuwa he domaha ama neng ya ama mol mideihaluol te. (Ibrani 13:4) Ama deimiy deypung ba, midatang Allah doaiy. (Maleakhi 2:16) Haba, Allah dewofang, tofa homi mia ama neng de ama mol afena hohasala diy, ama mol dewai neng afena miy kang.​—Mihalal Matius 19:3-6, 9.

Yehuwa de ama neng ya, ama mol paneni ba mideihonuk. (Kejadian 2:18) Ama neng tofa homi mia, wala seng mani detahai na. Haba, Allah he domaha bay depuna de tofa homi wohadasakolah te. Ama neng dekang miy demol mihadasama te, ama neng ya ama mol deng diyena ya dedeluk te. Ama ba kulrofi mu walna hare, ama neng ya ama mol dehasalah midapieta wodafang te. Hedi opi lelah ba tofa homi dekang hamol hei.​—Mihalal Efesus 4:31, 32; 5:22-25, 33; 1 Petrus 3:7.

Bekatafiela tofa homi mia, haba kang hamol mu kul mipaneng ba mipidasama te. (1 Korintus 13:4, 5) Allah hamau  buka dewofang bekatafiela ba, pi hadatareu hedi wala lela ba wohasik na.​—Mihalal 1 Korintus 7:10-13.

Yehuwa he domaha ri rama amoni homi mia. De wong de mirir, ri abeti mayak diy hekang rung hiyeng. He domaha riya rima heluk te, nala wuhe, riya rima hetanut daliela ya, hebirang lunga. (Kolose 3:20) Yehuwa he domaha, ri kang paneng miy her te. Maite, ri kang hamol hiyeng.​—Mihalal Pengkhotbah 11:9–12:1; Matius 19:13-15; 21:15, 16.

Siyeng ne, tofa, konda deko ba wil wei de puna, fikang de paneng ba miher te. (1 Timotius 5:8) Haba dokang dohamol temati, e hadasakolah ba de Allah mihiyena, ya hei dewosakolah. (Efesus 6:4) Etok pati ba Allah mihiyena, hei opi de ewil homi mi seiy. Hare, nala ba Surah Rieling homi mia he, e puna ewil wohadasakolah hekang ewil de hiyeng kang.​—Mihalal Ulangan 6:4-7; Amsal 22:6.

Mihasuong ya, hekang wofang wil dewe kang hamol hiyeng. Wil wei de hasalah mipaneng, hohirai ya bol te. Piheiur mu, piwil wei wofikang ba de bekatafiela mipaneni he. (Amsal 22:15) Haba wai latukai he boli he.​—Mihalal Kolose 3:21.

Saksi-Saksi Yehuwa de buku kabei paneni romong kano ya fikang her. Buku-buku opi Surah Rieling he mimiy.​—Mihalal Mazmur 19:7, 11.