PELAJARAN 10
Tamau he Sei Mara Hei
Amsal 8:4, 7
PERLU BA MIPANENG: E gagasan wofang woheikang ya ama ba eiy womahia homi hoyai temati, amau he sei he mara puna, daliela damasing, ya amau abeta bay e hehalal te.
CARA BA MIPANENG:
-
Amau he sei he mara puna. Gagasan ahola e wai miwofang namati ayat ba e mibaca homi mia mu maring penghukuman mati amau e mihaler te, hedi de ama ba eiy womahia homi hobok ba de haluol mipaneng. Omaha nala ba funa, nala ba e wokawatir namati omaha paneng ba nala he e wobesar ama homi hafik temati amau damasing puna.
-
Amau daliela damasing te. Amau mihaliel mu wotiyeng diy ba semangat namati ukuran ya jarak mu hadoa. Omi wosei namati e khawatir amau damasing puna wotiyeng diy.
-
Amau he sei he mara puna besar. E abeta besar mu e wotiyeng diy ba semangat. Haba gagasan ba kul penting he e besar mati e kabei fafalai besar te.
