Allah hamau buka de wofang ba pi ”kul guru”. (Ibr. 5:12) Wotanut! Yehuwa, Pengajar kul kang ba alam semesta dotafuda mia, de pi yena bei ba hei mu puna ba ama afena hadasakolah! Nal hiyeng rofi ba Yehuwa hei pi mi tofa homi, sidang, ya pelayan mia puna ama hadasakolah. Hedi mu tanggung jawab lea ba serius. Pi lateiur mi paneng woheikang?

Hewohawai mu Rasul Paulus he loring mi Timotius mi hadasama: ”Kul-kul omi rofi puna heyera ba amakang faring mia baca woheikang, wong wofang, ya tadasakolah.” De wai mitau, ”Ko heiwuda, e isi ya ama ba edi womahia do birang.” (1 Tim. 4:13, 16) Maring ba pi wobesar de ama hado birang kang. Hare, pi kemampuan ba baca ya ama hadasakolah mitau iti te. Buku opi de omong nal hedi e mipaneng kang. Nala-nala he brosur opi mia?

Yehuwa mu ’Pengajar ba Agung’. (Yes. 30:20) Hare, buku opi de omong e kemampuan baca ya tadasakolah de mitau. Haba woamunang, maring opi Yehuwa he iyeri, ya He dedi ama hafik hopa siye. (Yoh. 6:44) Hare, doa iti ba kuasa rieling fang. Allah hamau buka puna iti. Ama hada sakolah mia, doma e tanut puna na, haba ama homong de Yehuwa he tanut hiyeng. E mifik ba ama ba eiy womahia de kul-kul Yehuwa mihiyena.

Iyena bei ba maring ba kul penting puna tadasakolah. Ni worumai e mipaneng kang mbeimu e ”Allah he rumai andalkan”.​—1 Ptr. 4:11.

E Mokeni wei,

Badan Pimpinan ba Saksi-Saksi Yehuwa