”Allah de kerajaan nuku surga mi nasiy he parentah mu de natea mihalor.”​—Daniel 2:44, Bahasa Indonesia Masa Kini.

”Wil nuku hamani miypidi, wil neng nuku miypidi; lambang pemerintahan habang tau iti.”​—Yesaya 9:5, Terjemahan Baru.

• Pemerintahan ba adil ya piworumai he uwa mia pi birang rama amoni.​—Yesaya 48:17, 18.

• Ruli tifa ba desiyemu hedi mia e birang sempurna ya lakang lahamol.​—Penyingkapan (Wahyu) 21:3, 4.

Rofi. He wohawaimu tara ayoki:

• Nala ba Kerajaan Allah de paneni Yesus dewotiyeng diy. Yesus de demurid wei doa wohadasakolah Kerajaan Allah desiye ba Allah hedomahamu buku taha midalek. (Matius 6:9, 10) Yesus debukti wotiyeng diy ba hei doa mu dekul wohawai.

  Yesus desei buku taha mia, ama fiyal dehat, ama harik hafiy de hadomikang, ama mona de mihabirang! (Matius 15:29-38; Yohanes 11:38-44) Hei opi dewotiyeng diy ba ariy falaka, Yesus de lei ba Kerajaan Allah woparentah, nala he deng paneng mi rakyat mihadasama kul mihata.​—Penyingkapan 11:15.

• Nalah he ruli taha midalek demiwotiyeng diy ba Kerajaan Allah dong kul midalek. Yesus de wofang rama amoni ba Kerajaan Allah hei dedar buku taha midalek na, yenang mabi, kilikil fiyal, ya yokai dotafuda de buku taha midalek.​—Matius 24:3, 7.

  Yal opi hei he pi hehalal. Hare, pi worumai Kerajaan Allah de siye de masalah karikarnuku hanau.