Teimiy teypung hedosama, tofa tifa nuku paneni wuda. Riyafing rimafing ri heluk ya mihiyena haba, la ahola ri neng ri mol he rimiriyena te. Hedi opi, riyafing rimafing waldomaha na. Haba, birang hadokang ba Surah Rieling homi mia de romong rama amoni ri wofikang. E amoi ya enang enaha afena wei bay hadou doaiy, haba riworibalaibuku nasiy ba teimiy teypung tofa tifa ong wuda.

NALA HE SURAH RIELING DEWOFANG: ”Eya ya ema mu E heluk te.” (Efesus 6:2) E umur midamasing re midaliela haba, eya ya ema mu E heluk ya, E he uwa mia te. Neng mol bay heya hema hadoa hare, hey bay ri mihiyena te. ”Kasih mu wal cemburu na”, hare tebirang mi fikang hei do iy na.—1 Korintus 13:4; Galatia 5:26.

E MIPANENG KANG:

• Hare heiur paneng na, ”Enang enaha lakopang nada beka” ya ”eya mu nala he nempaneng” wal domaha na

• Teneng temol tebirang mu wotanut te

NALA HE SURAH RIELING DEWOFANG: ”Ama neng de mol miy, deya dema dong hehatang. Demol dilia dobirang, hedosama lanuku.” (Kejadian 2:24) Rimiy riypuni, ri fikang de dewotanut hak dara hatana hare, de romong. Nala he, tofa homi mia, riya rima de romong paneng haba, wai tukai rimiy hapieti na.

Riridi rong ahiy, numong re doma. Haba, lakang-kang wohokafang. He falaka wohokafang haba, mihirai diy na. (Amsal 15:1) Tomi damasing, tanut lohi, sadafalasing, hedi opi de romong riyafing ya rimafing ro hohopa ”kang de tomi mia, de teihoaring”.—Efesus 4:2.

E MIPANENG KANG:

• E wo ompang, E fikang dong faring mipaneni mi ribirang mihadasama. Hare, rilia rama miti ba lawobesar

• Tafok ngdaleki, rilia lateiur wobesar