OSANG BA SURAH RIELING MIA | AYUB 1-5
Ayub De Bekatafiela Hadatareu Haba Dewal Mibok Na
Ama Israel wei de hui ba ya Mesir mia hedi hadasama Ayub de Uz mibirang. Ayub dewal ama Israel na haba de Yehuwa hadakor ba heluk. He keluarga lea, ya de liki kawasa, afeng ba de mia mu dedi ama ba hana hopa. Dei mu ama kul heluk ba penasehat ya hakim ba wal aroi mitihai na. Ama ba nal wal hopa na bay homi hedatoka ya hatang he fui. Ayub mu neng ba Allah hadakor.
Ayub dewotiyeng diy ba de birang homi mia mu Yehuwa pribadi ba kul penting
-
Ayub de Allah hadakor mu Setan de horeya. Dei bay de hiyeng Ayub de Yehuwa hei haluol; haba, Ayub homi rofi mu Setan dewal worumai na
-
Setan de Ayub mihopung ba de Yehuwa holuk mu dei hu de mihaler
-
Setan de Ayub mihopung mu herofi wofang, Yehuwa de leng miy Setan her ba Ayub hadanatea. Nal-nal ba dar Ayub hebirang dotilaka Setan de hanau yoti
-
Ayub dewotiyeng diy ba de Allah hadakor iti, ama ba Allah hei milak minatea de Allah hadakor mu Setan dewal worumai na
-
Ayub dewal hasalah mipaneng na namati nal beka ba de hadatareu dewal Allah mihopung ba Allah he paneni na
