Tanggal 23 Maret mia, hareng hotau mu tamu ba siye Peringatan haluol hefaring 12 juta mihadap. Heiopi mu kesaksian kul lea he de hiyeng nahani mbeimu pembicara de khotbah ba karunia tebusan ba Yehuwa de mipidi ya oweni kang hamol ba ariy falaka amakang de hiyeng heihe dewobesar! (Yes 11:6-9; 35:5, 6; 65:21-23; Yoh 3:16) Haba, acara ba istimewa opi wala pembicara he donakala kesaksian mipaneng na. Potafuda pi mipaneng kang mbeimu tamu wei hedi sambut. (Rm 15:7) Hewohaluol opi saran kabei ba pi mipaneng kang.

• Ya ba la miti ba acara harosa na haba pi senyuman puna ya sadafalasing ba tamu wei ya ama ba wal aktif na hada salam nahani

• Ama ba e undangan mi heri e hamina mimiti,haba ama ba kampanye homi mia ba undangan hepaniy ba siye bay e hedi sambut. E mihatangar acara opi wuda na yal ariy te de siye haluol. E hiyenabei ba de amina mimiti kang, e Surah Rieling ya buku ba iring hei bay rilia puna kang

• Acara wosiki, hetatangar hadoa mati e leng miy her ba wohawai te. Haba ko waktu walna mbeimu ko sidang afena dewai heyera hedi puna, e hareng halek ba leng kabei mitawi te e hopa ya. Haba, lateiur ba hadatareng e dar hiyeng na, e hatangar kang, ”Nomaha atangar, nal ba eyala pi mipaneng opi e wotanut mu lateiwuda. Ne lateiur edi hubungi?”