Samz 150:1-6
150 Glowifyé Bondyé Senyè-a!
Glowifyé Bondyé an Kay li!
Glowifyé Bondyé-a ki ni tout pouvwa an syèl-la!
2 Glowifyéʼy pou tout gwan twavay i ja fè.
Glowifyéʼy paski gwandèʼy anho sa tout lézòt.
3 Glowifyéʼy èk twonpèt.
Glowifyéʼy èk hap épi banndjo.
4 Glowifyéʼy èk tanbou épi dansé.
Glowifyéʼy èk hap épi flout.
5 Glowifyéʼy èk simbal ki ka fè ti son.
Glowifyéʼy èk simbal ki ka fè gwo son.
6 Sé pou tout sa ki ni lisouf glowifyé Bondyé Senyè-a.
Glowifyé Bondyé Senyè-a!