KONTINÉ VÉYÉ!
2022 Sété Yon Lanné Ki Té Plen Twakasman—Kisa Bib-la Ka Di Asou Sa?
Diwan lanné 2022, nouvèl-la té benyen épi wapò konsèné ladjè, wapò konsèné tout diféwan kalité dézas, épi wapò konsèné mannyè moun pa té sa achté sa yo bizwen paski yo pa té ni asé lajan. Mé pouki tout sé mové bagay sala té fèt diwan lanné sala? Èben, sé sèlman Bib-la ki sa ban nou wépons-lan pou kèstyon sala.
Kisa Bib-la ka di konsèné sa ki té fèt an lanné 2022?
Sa ki té fèt an lanné 2022 ka moutwé a klè ki, nou ka vwéman viv an tan-an 2 Timòfi 3:1 ka kwiyé “dènyé tan-an”. Anfen, Bib-la ka moutwé dènyé tan sala té koumansé dépi lanné 1914. Èk osi, Bib-la té ja di kisa ki té kay fèt an dènyé tan-an. Konsa, annou gadé mannyè sa ki té fèt an lanné 2022 ka ban nou pwèv ki, sa Bib-la té di ki té kay fèt an dènyé tan-an ka fèt vwé.
“Ladjè.”—Mafyou 24:6.
“2022 Sété Lanné-a Ladjè Èk Mové Konsékans Li, Viwé Europe.” a
Gadé atik-la “Russia Invades Ukraine.”
“Lafen.”—Mafyou 24:7.
“2022 Sété On Lanné Ki Té Ni Lafen Ki Té Byen Téwib.” b
Gadé atik-la “Ukraine War Fuels Global Food Crisis.”
“Tout sòt diféwan maladi.”—Louk 21:11.
“Polio witounen, monkeypox vini on gwo pwòblenm èk COVID-19 ka kontiné afèkté moun. Konsa, sa ka moutwé a klè ki, sé pa dé danjéwé maladi ki ka simen danjéwé. Èk osi i ka moutwé a klè ki, i byen ézé pou maladi afèkté lavi lézòm.” c
Gadé atik-la “6 Million COVID Deaths.”
“Mové sin moun kay wè.”—Louk 21:11.
“Mové chalè, tan sèk, gwo difé, èk gwo dlo té annékòz an chay distwiksyon. Plizyè mil moun mò, èk plizyè milyon lòt moun oliwon latè-a pèd kay yo.” d
Gadé atik-la “Record-Breaking Temperatures Worldwide.”
“Wévolisyon [èben, “konfizyon; èben moun kay lévé wévòt,” NWT ftn.].”—Louk 21:9.
“Paski bagay ka vini pli chè èk moun pa ni asé lajan pou achté sa yo bizwen, pli moun an diféwan péyi té lévé wévòt kont sé gouvèdman-an.” e
Gadé atik-la “Soaring Worldwide Inflation.”
Mé kisa lanné pwochen kay mennen?
Nou pyès pa sa di sa ki kay fèt an lanné 2023. Mé sa nou sav sé sa: Touswit, Wéyòm Bondyé, sa vlé di Gouvèdman Bondyé ki an syèl, kay chanjé kondisyon latè-a. (Dannyèl 2:44) Wi, Gouvèdman Bondyé kay tiwé tout sé bagay-la ki ka fè lézòm soufè. Èk i kay fè asiwé divwa Bondyé fèt asou latè-a.—Mafyou 6:9, 10.
Alò, nou ka ankouwajéʼw pou swiv konsèy-la Jézi té bay an Mak 13:37, lè i di: “Kontiné véyé!” Wi, kontiné véyé mannyè sa ki ka fèt asou latè-a ka moutwé pwofèsi Bib ka fèt vwé. Èk mi on lòt bagay pou tjenn an lidéʼw: dépi apwézan Bib-la sa édéʼw, èk i sa ba ou èk fanmiʼw èspwa pou on pli mèyè lavi an tan ki ka vini. Konsa, si ou vlé apwann pli, ou sa mandé pou on Tèmwen Jéhova vizitéʼw.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “Whatʼs Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
Ou Pé Osi Enmen
ESSENTIAL BIBLE TEACHINGS
Ki Sa Wéyòm Bondyé Yé?
Lè Jézi té asou latè, I palé di Wéyòm Bondyé pli pasé tout lòt sijé. Pou plizyè syèk, disip Jézi ja pwédyé pou Wéyòm sala vini.
LAVÉWITÉ KI AN BIB-LA
Wéyòm Bondyé Té Koumansé Kondwi An Lanné 1914
Pli pasé 2,500 lanné ki pasé, Bondyé bay on wa on wèv ki té ka moutwé sa ki té kay fèt. Pwofèsi sala ka fèt apwézan.
KI MOUN NOU YÉ?
Mandé Pou On Moun Vizitéʼw
Diskité on kwèstyon ou ni asou Bib-la, èben apwann pli konsèné Tèmwen Jéhova.
