ON KANMPÉYN SPÉSYAL
Kisa Wéyòm Bondyé Kay Fè Épi Ladjè?
Toupatou owon latè-a, ladjè ka annékòz an chay déstwiksyon, soufwans èk lapenn. Annou gadé sa sé wapò sala ka di:
“Plis moun mò an ladjè lanné pasé, pasé sa ki té mò an ladjè chak lanné dépi 1994. Majòwité sé moun sala mò an ladjè-a an Ethiopia èk Ukraine.”—Peace Research Institute Oslo, li 7 Jen, 2023.
“Yonn an sé ladjè-a ki vini pli mové an 2022, sété ladjè-a an Ukraine. Owon latè-a, vyolans akòz di politik ja mouté 27% plis pasé lanné avan. Èk ja afèkté apipwé 1.7 bilyon moun.”— The Armed Conflict Location & Event Data Project (ACLED), li 8 Févwiyé, 2023.
Bib-la ka ban nou èspwa ki, ‘Bondyé an syèl kay établi an wéyòm ki pa kay janmen kwazé.’ (Dannyèl 2:44) Èk anba Wéyòm sala, èben gouvèdman sala, i kay “doubout ladjè toupatou an latè-a.”—Sam 46:9.