Jòdi jou, pli pasé avan, moun vlé on gouvèdman yo sa konfyé. Mé pouki? Èben, moun oliwon latè-a ka di: ‘Gouvèdman-an twò vòlè!’ ében ‘Twòp bòbòl an gouvèdman!’ Anfen, yon wapò an lanné 2023 di: ‘An chay moun an plizyè diféwan péyi pa ka konfyé sé moun-lan ki ka pwan douvan an gouvèdman yo.’ a

 Mé pwan tjè! Paski Bib-la ka palé konsèné on gouvèdman ki ni on kondwitè ki onnèt èk jis. Wi, on moun nou sa konfyé. Gouvèdman sala sé Wéyòm Bondyé èk kondwitè’y sé Jézi Kwi.—Izaya 9:7.

 Lè nou gadé tout sa Jézi ja fè, nou ka wè i vwéman enmen moun. (Mafyou 9:35, 36) Konsa, touswit i kay mennen lapé èk jistis bay tout moun ki aksèpté’y kon kondwitè yo.—Sam 72:12-14.