Li 8-Li 14 Janvyé
JÒB 34-35
Chanson 30 èk Lapwiyè | Pwèmyé Ti Pawòl (1 minit)
1. Lè Mové Bagay Wivé Bon Moun
(10 minit)
Toujou chonjé lè mové bagay fèt, sé pa Jéhova ki ka annékòz li. (Jòb 34:10; wp19.1-E 8 ¶2)
Délè i pé sanm moun ki mové pa ka twapé pinisyon pou movèsté yo, mé Jéhova kay jijé yo pou tout sa yo ka fè. (Jòb 34:21-26; w17.04-E 10 ¶5)
Pli mèyè mannyè-a nou sa édé moun ki ka soufè a kòz di enjistis, sé pou enstwi yo konsèné Jéhova. (Jòb 35:9, 10; Mafyou 28:19, 20; w21.05-E 7 ¶19-20)
2. Fouyé Bib-la Pou Twapé Wichès
(10 minit)
Jòb 35:7—Kisa Ilayou té vlé di, lè’y mandé Jòb: ‘Kisa [Bondyé] ka wisivwè hòd ou?’ (w17.04-E 29 ¶3)
Ki bèl ti pwen ou twapé an Jòb 34-35 ou vlé patajé épi kongwigasyon-an?
3. Li On Pòsyon An Bib-la
(4 minit) Louk 2:1-16 (th lison 10)
4. Mannyè Pou Koumansé An Konmézasyon
(3 minit) LÈ’W KA PWÉCHÉ KAY AN KAY. Ofè jan kay-la on létid Bib. (lmd lison 10 limowo 3)
5. Mannyè Pou Koumansé An Konmézasyon
(4 minit) BAY ON TÉMWENNAJ LÈ’W PA AN MINIS-LA. Moutwé on moun ki ni zanfan mannyè pou twapé enfòmasyon asou jw.org ki sa édé pawan. (lmd lison 1 limowo 4)
6. Fè Disip
(5 minit) lff lison 13 limowo 5 (lmd lison 11 limowo 3)
Chanson 58
7. Ès Ou Ni Dézi-a Pou “Pwéché Bon Konmisyon-an” Menm Si Ou Pa An Pwédikasyon-an?
(15 minit) Diskasyon.
Zapòt Pòl ankouwajé Timòfi pou: “Pwéché bon konmisyon-an . . . toujou pawé pou pwéché.” (2 Timòfi 4:2) An langaj Gwik, délè mo pawòl-la yo twadwi “toujou pawé” té ka palé konsèné on sòlda ében yon gad ki té toujou pawé pou aksyon. Alò, èspwèsyon-an ka dékwi mannyè nou sipozé toujou pawé pou bay yon témwenyaj menm si nou pa an pwédikasyon-an.
Paski nou enmen Jéhova èk nou ka apwésyé tout sa i ka fè ka ban nou, sa ka pousé nou pou di moun konsèné bèl kawaktè’y.
Li Sam 71:8. Èk apwé mandé kongwigasyon-an:
Ki bèl bagay konsèné Jéhova ou enmen di moun konsèné?
Lanmityé nou pou Jéhova ka pousé nou pou bay moun an témwenyaj menm si nou pa an pwédikasyon-an.
Jwé VIDIYO-A Mannyè Plizyè San Moun Twapé Lavéwité-a. Èk apwé mandé kongwigasyon-an:
An fwè té bay an témwenyaj menm si i pa té an pwédikasyon-an, ki mannyè sa té édé plizyè san moun twapé lavéwité-a?
Ki bennéfis sé moun-lan twapé lè yo apwann lavéwité-a?
Ki mannyè lanmityé nou pou moun ka pousé nou pou ba yo on témwenyaj menm si nou pa an pwédikasyon-an?
Lè’w bay on témwenyaj menm si ou pa an pwédikasyon-an, pouki ou kwè sa sé on bèl mannyè pou édé moun konnèt konsèné Jéhova?
8. Létid Labib Nou
(30 minit) bt chapit 4 èk bwèt-la asou paj 33
