Li 1-Li 7 Avwi
SAMZ 23-25
Chanson 4 èk Lapwiyè | Pwèmyé Ti Pawòl (1 minit)
1. “[Jéhova] Sé Bèwjé Mwen”
(10 minit)
Jéhova ka djidé nou. (Sam 23:1-3; w11-E 5/1 31 ¶3)
Jéhova ka pwotéjé nou. (Sam 23:4; w11-E 5/1 31 ¶4)
Jéhova ka swen nou. (Sam 23:5; w11-E 5/1 31 ¶5)
Jéhova ka otjipé sèvant li menm kon an bèwjé ka otjipé mouton’y.
MANDÉ KÒ’W: ‘Ki mannyè Jéhova ja otjipé mwen?’
2. Fouyé Bib-la Pou Twapé Wichès
(10 minit)
Sam 23:3—Kisa “chimen dwèt-la” yé, èk kisa ki kay anpéché nou kité chimen sala? (w11-E 2/15 24 ¶1-3)
Ki bèl ti pwen ou twapé an Samz 23-25 ou vlé patajé épi kongwigasyon-an?
3. Li On Pòsyon An Bib-la
(4 minit) Jan 4:1-15 (th lison 5)
4. Mannyè Pou Koumansé An Konmézasyon
(3 minit) BAY ON TÉMWENNAJ LÈ’W PA AN MINIS-LA. Patajé on lévanjil épi on moun ki di’w i pa kontan mannyè lézòm ka détwi latè-a. (lmd lison 2 limowo 5)
5. Sa Pou Fè Lè’w Viwé Kozé Épi On Moun
(4 minit) LÈ’W KA PWÉCHÉ KAY AN KAY. Moutwé on moun ki aksèpté ti liv-la, Ou Sa Ni On Bon Lavi Pou Tout Tan! mannyè an létid Bib ka fèt. (lmd lison 9 limowo 3)
6. Fè Disip
(5 minit) lff lison 14 limowo 4 (lmd lison 11 limowo 3)
Chanson 54
7. Nou Pa Ka Kouté Vwa Étwanjé
(15 minit) Diskasyon.
Mouton konnèt vwa bèwjé yo èk yo ka swiv li. Kanmenm, lè mouton tann vwa étwanjé yo ka kouwi. (Jan 10:5) An menm mannyè-a, nou ka kouté sé bèwjé-a ki enmen nou pli, Jéhova èk Jézi. (Sam 23:1; Jan 10:11) Mé nou ka widjèkté vwa étwanjé ki ka éséyé afébli lafwa nou épi “an chay listwa manti”.—2 Pita 2:1, 3.
Pwèmyé fwa-a moun té tann vwa yon étwanjé sé an wakont-lan an Jennésis chapit twa (3). Satan té fè konmsi i té jan Èv, èk i manti asou Jéhova. Malèwèzman, Èv kouté Satan, èk sa annékòz an chay soufwans pou li èk fanmi’y.
Jòdi jou Satan ka sèvi mansonj pou kwennen moun menm mannyè-a. I ka éséyé pou afébli lafwa nou an Jéhova èk an ògannizasyon’y. Konsa, lè nou tann mansonj konsèné Jéhova èk ògannizasyon’y nou pa vlé kouté, pa menm pou an ti mouman. Chonjé, konmézasyon Satan épi Èv té kout, mé i kwennen’y. (Jennésis 3:1, 4, 5) Alò, kisa ou kay fè si an moun ou enmen vlé patajé mansonj konsèné ògannizasyon Jéhova épi’w?
Jwé VIDIYO-A Pa Kouté Vwa Étwanjé. Èk apwé mandé kongwigasyon-an:
Kisa ou apwann an sa Jade fè lè manman’y té vlé patajé enfòmasyon négativ konsèné ògannizasyon Jéhova épi’y?
8. Létid Labib Nou
(30 minit) bt chapit 8 pawagwaf 1-4, èk sé bwèt-la asou paj 61-62
