Li 18-Li 24 Novanm
SAMZ 107-108
Chanson 7 èk Lapwiyè | Pwèmyé Ti Pawòl (1 minit)
1. ‘Wimèsyé Jéhova, Paski I Bon’
(10 minit)
Menm kon Jéhova té sové jan Izwayèl hòd Babilonn, i sové nou hòd latè Satan. (Sam 107:1, 2; Kòlòsé 1:13, 14)
Lè nou apwésyé sa Jéhova ka fè ban nou, sa ka pousé nou pou glowifyé’y an kongwigasyon-an. (Sam 107:31, 32; w07-E 4/15 20 ¶2)
Lè nou mèdité asou tout sé bagay-la Jéhova ha fè ban nou, sa ka fè nou ni pli apwésiyasyon pou Jéhova. (Sam 107:43; w15-E 1/15 9 ¶4)
2. Fouyé Bib-la Pou Twapé Wichès
(10 minit)
-
Sam 107:27—Kisa vèwsé sala vlé di? (w87-E 3/15 24-25 ¶3)
-
Ki bèl ti pwen ou twapé an Samz 107-108 ou vlé patajé épi kongwigasyon-an?
3. Li On Pòsyon An Bib-la
(4 minit) 2 Kòrint 4:1-15 (th lison 5)
4. Mannyè Pou Koumansé An Konmézasyon
(3 minit) BAY ON TÉMWENNAJ LÈ’W PA AN MINIS-LA. (lmd lison 1 limowo 4)
5. Sa Pou Fè Lè’w Viwé Kozé Épi On Moun
(4 minit) BAY ON TÉMWENNAJ LÈ’W PA AN MINIS-LA. Di moun-lan konsèné mannyè i sa étidyé Bib-la, èvèk ba li kat-la Apwann Sa Bib-la Ka Di. (lmd lison 9 limowo 3)
6. Diskou
(5 minit) ijwyp-E 90—Tit-la: Kisa Mwen Sa Fè Pou Katjilé Adan On Mannyè Pòzitif? (th lison 14)
Chanson 46
7. Nou Ka Chanté Pou Wimèsyé Jéhova
(15 minit) Diskasyon.
Apwé Jéhova délivwé jan Izwayèl hòd lawmé Éjip, yo té apwésyé sa si tèlman, yo koumansé chanté. (Ègzodòs 15:1-19) Èk sété sé nonm-lan ki té koumansé chanté. (Ègzodòs 15:21) Osi, Jézi èk sé Kwityen-an an pwèmyé syèk-la té ka chanté pou glowifyé Bondyé. (Mafyou 26:30; Kòlòsé 3:16) Anfen, lè nou chanté an sé mitin nou-an, an sé asanblé nou-an, èk an sé konvansyon nou-an, nou osi ka moutwé apwésiyasyon nou pou Jéhova. Pou ègzanp, nou djòs fin’ chanté chanson 46, “Mèsi Jéhova”, èk nou ka chanté chanson sala dépi lanné mil nèf san swasant sis (1966).
Kanmenm adan sèten kilti, nonm ka santi hont pou chanté an piblik. Èk la ni moun ki pa vlé chanté paski yo kwè yo pa ka chanté byen. Kanmenm, i enpòtan pou nou chonjé, lè nou chanté an sé mitin nou-an nou ka adowé Jéhova. Èk ògannizasyon Jéhova ka mété an chay éfò pou pwépawé sé chanson sala, èk pou chwazi ki chanson nou kay chanté chak mitin. Alò, nou ni pa-a ki pli ézé; sa sé pou chanté ofon tjè nou pou moutwé lanmityé nou, èk apwésiyasyon nou pou Papa nou an syèl.
Jwé VIDIYO-A Nou Ni On Bèl Listwa—Chanson Sé Yon Kado (Dézyenm Pa-a). Èk apwé mandé kongwigasyon-an:
-
Kisa ki té fèt an lanné mil nèf san kawant kat (1944)?
-
Ki mannyè sé fwè nou-an an Siberia té moutwé yo enmen chanté sé chanson nou-an?
-
Pouki i si tèlman enpòtan pou Témwen Jéhova chanté?
8. Létid Labib Nou
(30 minit) bt chapit 18 pawagwaf 6-15
