Tout moun ka santi twis délè, mé chonjé lè nou ka santi twis, sa pa vlé di nou pa ni lafwa. Anfen, jis Jéhova ki ka santi twis délè. (Jennésis 6:​5, 6) Kanmenm, si nou ka toujou santi twis, kisa nou sa fè?

Mandé Jéhova pou èd. Jéhova vwéman antéwésé an mannyè-a nou ka santi. I konnèt lè nou kontan èk i konnèt lè nou twis. Èk i ka byen konpwann mannyè-a nou ka katjilé èk mannyè-a nou ka santi. (Sam 7:9 dézyenm pa-a) Mé sa ki pli enpòtan sé sa, Jéhova vwéman mélé épi nou, èk i sa édé nou aji épi twistès ében dipwèsyon.—Sam 34:18.

Pwotéjé lidé’w. Dékouwajman pa ka sèlman fè nou twis, i sa osi afèkté wilasyon nou épi Jéhova. Èk sé pou wézon sala i enpòtan pou nou pwotéjé tjè nou.—Pwovèb 4:23.

GADÉ VIDIYO-A MANNYÈ SÉ FWÈ NOU-AN KA ENJWI LAPÉ MAGWÉ DIPWÈSYON, ÈK APWÉ WÉPONN SÉ KÈSTYON SALA:

• Ki diféwan bagay Nikki té fè pou édé’y aji épi dipwèsyon?

  Wépons ou

• Pouki Nikki santi i té ni pou alé oti dòktè pou twapé èd?—Mafyou 9:12

  Wépons ou

• An ki diféwan mannyè Nikki té apiyé asou Jéhova?

  Wépons ou