Li 7-Li 13 Òktòb
SAMZ 92-95
Chanson 84 èk Lapwiyè | Pwèmyé Ti Pawòl (1 minit)
1. An Lavi An Sèvis Jéhova Sé Pli Mèyè Lavi-a Nou Sa Ni!
(10 minit)
Jéhova méwité adowasyon nou. (Sam 92:1, 4; w18.04-E 26 ¶5)
Jéhova ka édé pèp li pou fè bon chwa èk pou ni lakontantman. (Sam 92:5; w18.11-E 20 ¶8)
Jéhova ka jis apwésyé sèvis moun ki an vyéyès yo. (Sam 92:12-15; w20.01-E 19 ¶18)
MANDÉ KÒ’W: ‘Kisa ki ka anpéché mwen dèdiké lavi mwen bay Jéhova èk batizé?’
2. Fouyé Bib-la Pou Twapé Wichès
(10 minit)
-
Sam 92:5—Ki mannyè vèwsé sala ka moutwé Jéhova benyen lasajès? (cl-E 176 ¶18)
-
Ki bèl ti pwen ou twapé an Samz 92-95 ou vlé patajé épi kongwigasyon-an?
3. Li On Pòsyon An Bib-la
(4 minit) 1 Kòrint 1:1-17 (th lison 5)
4. Mannyè Pou Koumansé An Konmézasyon
(4 minit) BAY ON TÉMWENNAJ LÈ’W PA AN MINIS-LA. Adan on konmézasyon épi on moun, éséyé pou twapé yon òpòtyounité pou di’y konsèné mannyè-a ou ka étidyé Bib-la épi moun. (lmd lison 5 limowo 3)
5. Sa Pou Fè Lè’w Viwé Kozé Épi On Moun
(3 minit) BAY ON TÉMWENNAJ LÈ’W PA AN MINIS-LA. Ofè on moun ki wifizé on létid Bib an tan pasé yon létid Bib. (lmd lison 8 limowo 4)
6. Fè Disip
(5 minit) Palé épi yon étidyan Bib ki pa ka fè pwogwé. (lmd lison 12 limowo 5)
Chanson 5
7. Lè Jennès Ka Èspéyansé An Chay Tèt Cho
(15 minit) Diskasyon.
Sèvant Jéhova ka èspéyansé tèt cho tou. Pou ègzanp, David té ni tèt cho diwan lavi’y menm kon an chay fwè èk sè jòdi. (Sam 13:2; 139:23) Malèwèzman, jis jenn moun ka èspéyansé tèt cho. Èk délè jis bagay yo akoutimé fè, tèl kon atandé lékòl, èk sé mitin-lan ka difisil pou yo fè. Anfen, délè tèt cho sa jis fè yo tonbé byen malad ében fè yo santi yo vlé tjwé kò yo.
Alò jenn moun, si ou janmen santi ou anba twòp tèt cho, palé épi manman’w ében papa’w ében an lòt moun ki sa asisté’w. Osi, fè asiwé ou pwédyé bay Jéhova èk mandé’y pou édé’w. (Filipay 4:6) Wi, i kay ba’w èd-la ou bizwen. (Sam 94:17-19; Izaya 41:10) Bon. Annou konsidiwé ègzanp Steing.
Jwé VIDIYO-A Jéhova Mélé Épi Mwen. Èk apwé mandé kongwigasyon-an:
• Ki lévanjil ki édé Steing, èk ki mannyè lévanjil sala édé’y?
• Ki mannyè Jéhova té otjipé Steing?
Pawan, ki mannyè ou sa édé ich ou pou débat épi tèt cho? Ében, ou sa fè tan pou kouté yo. Osi ou sa moutwé yo ou enmen yo, èk ou sa édé yo pou ni konfyans-lan ki Jéhova vwéman enmen yo tou. (Titòs 2:4; Jémz 1:19) Konsa, dépan asou Jéhova, paski i kay sipòté’w èk ba’w fòs-la ou bizwen pou édé ich ou.
Délè nou pa sav lè an moun an kongwigasyon-an ka èspéyansé tèt cho, ében ki mannyè pou édé’y. Mé kanmenm, yon bagay nou sa fè ki sa édé moun-lan, sé, lè nou fè tout moun an kongwigasyon-an santi nou enmen yo, èk nou ka aksèpté yo.—Pwovèb 12:25; Hibrou 10:24.
8. Létid Labib Nou
(30 minit) bt chapit 16 pawagwaf 6-9, èk bwèt-la asou paj 132
