“Sé ou ki fè tout bagay.”​—Wévélasyon 4:11

Ki sa nou sa apwann an Bib-la konsèné Bondyé?

• Wévélasyon 15:3

  Bondyé sé Dyé Toupisan-an, moun-an ki ni tout pouvwa an inivès-la.

• Sam 90:2

  Bondyé pa ni koumansman èk I pa ni finisman.

• Mafyou 6:9

  Bondyé sé Papa nou. I vlé nou ni an bon lavi.

• Twavay 17:27

  Bondyé vlé vini pwé nou.

“Jéhova . . . sé non mwen pou tout tan.”​—Ègzodòs 3:15 (New World Translation)

Pouki non Bondyé enpòtan?

• Sam 83:18

  Bondyé di nou non’y sé Jéhova. “Bondyé” èk “Senyè” pa non. Yo sé tit menm kon “wa” èk “pwézidan” sé tit. Jéhova vlé’w sèvi non’y.

• Ègzodòs 3:14

  Non Bondyé ka fè nou konpwann ki, I sa annékòz népòt sa I vlé fèt pou akonpli antansyon’y. I sa tjenn népòt pwonmèt I fè, èk I sa akonpli dézi’y paski I sé Kwéyatè-a. Sé Bondyé sèlman ki sa ni non-an Jehova.

“Lanmityé sé kawaktè Bondyé.”—1 Jan 4:8

Ki mannyè Bondyé ka moutwé I enmen nou?

• Ègzodòs 34:6; Sam 37:28

  Bondyé ni mizèwikòd èk konpasyon. I enmen lavéwité èvèk jistis.

• Sam 86:5

  Bondyé toujou pawé pou pawdonnen nou.

• 2 Pita 3:9

  Bondyé ni pasyans épi nou.

• Wévélasyon 15:4

  Bondyé fidèl.

“Tout bagay ou ni ki ka ba’w mal tèt, mété’y an lanmen [Bondyé], paski I ka gadé apwé’w.”—1 Pita 5:7

Ki mannyè ou sav Bondyé vwéman mélé épi’w?

• Sam 37:​9-11

  Bondyé pwonmèt pou mennen an bout pou tout sa ki ka fè nou soufè, èk I kay wanjé tout donmaj lé méchan fè.

• Jémz 4:8

  Jéhova vlé’w vini pwé’y.

• Jan 17:3

  Pli ou konnèt Jéhova, sé pli ou kay enmen’y.