“Glowifyé Bondyé Senyè-a, zòt nanj ki ni pouvwa.”—Sam 103:20

Ki sa nou konnèt konsèné sé nanj-lan?

• Jòb 38:​4-7

  Jéhova té fè sé nanj-lan avan I té fè latè-a.

• Wévélasyon 5:11

  La ni konmen milyon nanj.

• 1 Pita 1:​11, 12

  Sé nanj-lan té toujou entéwésé an divwa Jéhova pou latè-a.

• Louk 15:10

  Sé nanj-lan entéwésé an chay an sé moun-lan ki ka adowé Bondyé.

“Nanj Bondyé Senyè-a ka wèsté oliwon sé moun-an ki ni wèspé pou Senyè-a pou pwotèkté yo.”—Sam 34:7

Ki mannyè nou sav sé nanj-lan sa édé moun?

• Jennésis 19:​15, 16; Dannyèl 6:22; Louk 22:43; Twavay 12:​6-11

  Sé nanj-lan té édé Lòt, Dannyèl, Jézi èk Pita.

• Hibrou 1:​7, 14

  Jòdi, Jéhova ka sèvi sé nanj li-a pou édé èk pou pwotèkté sé sèvant li-a.

“Mwen fè sa pou anpéché Satan jwenn an chans pou kwennen nou. Nou konnèt asé byen mannyè Satan ka twavay.”—2 Kòrint 2:11

Ki moun sé vyé lèspwi-a yé, èk pouki yo danjéwé?

• Wévélasyon 12:9

  Yon nanj té wébèl kont Jéhova. Non’y sé Satan.

• Joud 6

  An tan Nowa, adan sé nanj-lan té wébèl kont Bondyé èk yo té vini asou latè-a.

• Mafyou 9:34

  Sé nanj sala té sipòté wébèlyon Satan èk yo vini vyé lèspwi ében démou.

• Ditonronnonmi 18:​10, 11

  Sé vyé lèspwi-a ka fè tout sa yo pé pou kwennen moun èk fè yo mal.

“Kon sa abésé kò’w bay Bondyé. Goumen kont Denmou èk I kay kouwi ba’w.”—Jémz 4:7

Ki mannyè Jéhova sa édé’w pou goumen kont Satan èk sé vyé lèspwi-a?

• Twavay 19:19

  Jété tout bagay ki ni pou fè épi tjenbwa èben sé vyé lèspwi-a.

• Èfésòs 6:​16, 18

  Étidyé Bib-la pou fè lafwa’w fò èk pwédyé pou pwotèksyon Bondyé.

• Pwovèb 18:10

  Sèvi non Jéhova.