“Kouté vwa mwen èk mwen kay vini Bondyé zòt èk zòt kay vini pèp mwen.”—Jérémaya 7:23 (New World Translation)

Ès I posib pou vini jan Bondyé?

• Jennésis 22:18; Jémz 2:23

  Abrahanm té vini jan Jéhova paski I té kouté Bondyé èk I té mété lafwa an Bondyé.

• 2 Kwonnikèl 16:9

  Jéhova kay édé moun ki obéyisan.

• Sam 25:14; 32:8

  Jéhova ka bay sé jan’y-lan lasajès.

• Sam 55:22

  Jéhova ka sipòté jan’y.

“Magwé tout sé bagay sala, Jòb pa té ni péché, ni di Bondyé fè anyen ki mal.”—Jòb 1:22 (New World Translation)

Koumannyè Satan té ataké Jòb, èk ki sa Jòb té fè?

• Jòb 1:​10, 11

  Satan té di ki, Jòb té ka gadé pou kò’y tousèl èk I pa té enmen Bondyé.

• Jòb 1:​12-19; 2:7

  Jéhova té pèwmité Satan pou pwan tout sa Jòb té ni. Satan té jis bay Jòb an mové maladi.

• Jòb 27:5

  Jòb pa té sav pouki I té ka soufè kon sa, mé I wèsté fidèl.

“An nonm kay bay tout sa I ni pou sové lavi’y.”—Jòb 2:4 (New World Translation)

Koumannyè Satan ka éséyé pou détwi wilasyon nou épi Jéhova?

• 2 Kòrint 11:14

  Satan ka éséyé pou kwennen nou pou nou dézobéyi Jéhova.

• Pwovèb 24:10

  Satan ka éséyé pou fè nou kwè nou pa bon asé pou adowé Jéhova.

• 1 Pita 5:8

  Satan ka pèsikité nou.

• Pwovèb 27:11

  Si ou chwazi pou obéyi Jéhova, ou kay vini jan’y. Èk si ou wèsté fidèl pou Bondyé, sa kay moutwé Satan sé an mantè.

“Nou ka moutwé mizi lanmityé nou ni pou Bondyé lè nou obéyi konmandman’y.”—1 Jan 5:3

Ki mannyè ou sa vini jan Jéhova?

• Mak 12:30

  Moutwé ou enmen Bondyé. Sa kay édé’w pou obéyi’y.

• Izaya 48:​17, 18

  Obéyi Jéhova, èk ou kay toujou twapé bennéfis.

• Ditonronnonmi 30:​11-14

  Ni konfyans ki, Jéhova pa kay janmen mandé’w pou fè anyen ou pa sa fè.

• Filipay 4:13

  Fè sa ki dwèt, èk Jéhova kay ba ou tout kouway-la ou bizwen.