“Pou wézon sala, mwen ajounou douvan Papa nou ki an syèl. I sé Bondyé-a ki bay tout fanmi lavi yo, ni sa ki an syèl épi sa ki asou latè-a.”—Èfésòs 3:​14, 15

Ki mannyè fanmi’w sa ni lapé èk lakontantman?

• Jennésis 1:​26-28

  Sé Jéhova ki fè pwèmyé fanmi-an.

• Èfésòs 5:​1, 2

  Fanmi nou sa ni lakontantman si nou imité Jéhova èk Jézi.

“Mé pawòl sala ka palé konsèné zòt osi—an mawi sipozé enmen madanm li menm kon I enmen kò’y, épi madanm-lan oblijé ni wèspé pou mawi’y.”—Èfésòs 5:33

Ki mannyè an mawi èk madanm sipozé twété yonn a lòt?

• Èfésòs 5:​22-29

  Sé mawi-a ki wèskonsab pou fanmi’y. I ni pou enmen madanm li èk madanm li sipozé sipòté’y lè I fè disizyon.

• Kòlòsé 3:19; 1 Pita 3:4

  Mawi èk madanm sipozé janti èk moutwé yonn a lòt konsidéwasyon.

• 1 Pita 3:​1, 2, 7

  Mawi èk madanm sipozé onnowé èk wèspèkté yonn a lòt.

• 1 Timòfi 5:8; Titòs 2:​4, 5

  An mawi sipozé potjiwé pou fanmi’y. An madanm sipozé otjipé fanmi’y byen.

“Pwan pokosyon mannyè ou ka twété ich ou avan ou fè yo faché. Lévé yo adan an bon mannyè épi enstwi yo menm kon an moun ki ka kwè an Senyè-a sipozé fè.”—Èfésòs 6:4

Ki wèskonsabilité Bondyé bay pawan?

• Ditonronnonmi 6:​4-9; Pwovèb 22:6

  Ou ni pou pwan tan pou enstwi ich ou konsèné Jéhova. Koumansé lè yo piti, moutwé pasyans kon ou ka édé yo chak pou vini jan Jéhova.

• 1 Pita 5:8

  Enstwi ich ou mannyè yo sa pwotèkté kò yo hòd moun ki sa abizé yo adan an mannyè sèksyouwal èk hòd lòt kalité danjé.

• Jérémaya 30:11; Hibrou 12:​9-11

  Ou ni pou kowijé ich ou, mé pa janmen fè sa lè ou faché ében adan an mannyè ki bwital.

“Zòt sé manmay-la sipozé obéyi papa épi manman zòt.”—Èfésòs 6:1

Manmay, pouki zòt sipozé obéyi pawan zòt?

• Pwovèb 23:​22-25; Kòlòsé 3:20

  Obéyisans ou kay fè Jéhova èk pawan’w ni lakontantman.

• 1 Kòrint 15:33

  I kay pli ézé pou fè sa ki bon si ou fè jan épi moun ki enmen Jéhova.