“Mé bayè-a ki ka mennen’w an lavi étonnèl-la étwèt épi chimen-an pa ézé, épi byen pé moun ki ka jwenn li.”—Mafyou 7:14

Ki mannyè nou sav Bondyé pa ka aksèpté tout kalité adowasyon?

• Mafyou 7:​21-23

  Bondyé pa ka aksèpté tout wilizyon. Sé pa tout wilizyon ki ka fè divwa Bondyé.

• Mafyou 7:​13, 14

  Wilizyon-an ki vwé kay djidé’w pou lavi étonnèl. Fo wilizyon kay mennen distwiksyon.

• Mafyou 7:​16, 17

  Wilizyon-an ki vwé ka pwodwi Kwityen ki ni bon kawaktè. Ou pa ni pou alé an tout diféwan légliz ében étidyé tout diféwan kalité wilizyon. Ou djòs ni pou apwann sa Bib-la ka di.

• 1 Tèsalonnika 2:13; 2 Timòfi 3:​16, 17

  Ou ni pou kwè èk enstwi sèlman sa Bib-la ka di.

• Mafyou 4:10; Jan 17:6

  Ou ni pou adowé Jéhova èk sèvi non’y.

• Jan 13:35

  Nou ni pou moutwé yonn a lòt lanmityé ki vwé.

• Jan 3:36; Twavay 4:12

  Ou ni pou obéyi Jézi. Bondyé ka sèvi Jézi pou sové nou.

• Jan 18:36; Twavay 5:29

  Nou pa ni pou mélé kò nou an zafè politiks.

• Mafyou 24:14; 6:10

  Ou ni pou enstwi lézòt ki, sé Wéyòm Bondyé tousèl ki sa wanjé tout sé pwòblenm nou-an.

Ki sa ou ni pou fè si ou vlé Bondyé aksèpté adowasyon’w?

• Jémz 2:19

  I pa asé pou kwè an Bondyé. Ou ni pou fè sa Bondyé ka di’w an Bib-la.

• Izaya 52:11; Wévélasyon 17:5

  Fo wilizyon ében “Babilonn Li Gwan” ka enstwi moun pou adowé Bondyé adan mannyè-a Bondyé pa ka aksèpté. Fo wilizyon ka enstwi moun bagay tèl kon: la ni twa moun an yon dyé, lam-lan pa sa mò, èk moun ka bwilé an lanfè pou tout tan.

• Wévélasyon 18:​4, 8

  Touswit Jéhova kay détwi tout fo wilizyon. Ou ni pou widjèkté népòt bagay ki ni pou fè épi fo wilizyon.

• Mak 10:​28-30

  Menm si ou twapé òposizyon, Jéhova pa kay janmen abandonnen’w.