“Sòti anpami sé moun-an ki pa ka kwè-a épi sépawé kò zòt . . . Pa touché sé bagay yo-a péché ja sali-a.”—2 Kòrint 6:17

Pouki I pa bon pou adowé imaj ében pou adowé ayèl nou?

• Ègzodòs 20:​4, 5; 1 Jan 5:21

  Jéhova pa vlé nou sèvi imaj an adowasyon nou.

• Ditonronnonmi 18:​10-12

  Lavéwité-a sé, moun ki kwè yo ka palé épi lé mò, ka palé épi vyé lèspwi.

“Apwann ki sa ki ka plè Bondyé.”—Èfésòs 5:10

Ki mannyè ou sa konnèt si ou sipozé patisipé adan an sélébwasyon?

• Izikèl 44:23; 2 Kòrint 6:​14, 15

  Éséyé pou konnèt si sélébwasyon sala té koumansé épi wilizyon ki fo.

• Ègzodòs 32:​2-10

  Menm si sé moun-lan ki ka ògannizé sélébwasyon-an ni bon antansyon, sélébwasyon-an pé pa plè Bondyé.

• Dannyèl 3:​1-27

  Pa pwan pa an sélébwasyon ki ka bay lézòm laglwa, ki ka bay ògannizasyon lézòm laglwa, ében ki ka bay senbòl nasyonal laglwa.

• 1 Timòfi 1:​18, 19

  Sèvi bon jijman. Toujou tjenn an bon konsyans douvan Jéhova.

“Pwan gad lè zòt ka chwazi pawòl pou palé épi lézòt. Sa kay fè yo enmen kouté zòt, épi I kay sé pawòl-la yo bizwen tann-an osi. Mannyè sala zòt kay ni an bon wépons pou bay tout moun.”—⁠Kòlòsé 4:6

An ki mannyè ou sipozé èspliké pou lézòt sa ou ka kwè adan?

• Mafyou 7:12

  Menm kon ou vlé moun wèspèkté chwa’w, ou ni pou wèspèkté chwa lézòt moun osi.

• 2 Timòfi 2:24

  Toujou twété moun adan an bon mannyè, èk pa babyé épi lézòt konsèné sa ou ka kwè adan.

• 1 Pita 3:15

  Èspliké sa ou ka kwè adan épi dousè èk wèspé.

• Hibrou 10:​24, 25

  Lè ou atandé mitin Kwityen, ou kay jwenn ankouwajman èk ou kay apwann mannyè ou sa èspliké sa ou ka kwè adan.