“Mi dlo isi-a, ki sa ki pou anpéché mwen wisivwè batenm?”—Twavay 8:36

Pouki èk an ki mannyè ou sipozé batizé?

Lè ou batizé, sa ka moutwé ou ja abandonnen kalité lavi-a ou té ka viv avan, èk ou ja koumansé an lavi nèf pou fè divwa Bondyé.

• Mafyou 28:​19, 20

  Pou sèvi Jéhova ou ni pou batizé.

• Sam 40:8

  Lè ou batizé, ou ka moutwé lézòt ou vlé sèvi Bondyé.

• Mafyou 3:16

  Lè ou ka batizé, tout kò’w ni pou désann anba dlo. Sé an menm mannyè sala Jan Batis té batizé Jézi.

“Nou ka moutwé mizi lanmityé nou ni pou Bondyé lè nou obéyi konmandmanʼy, épi sé konmandmanʼy-lan pa wèd pou swiv.”—1 Jan 5:3

Pouki nou pa sipozé pè pou dèdiké lavi nou pou Jéhova?

• Sam 103:14; Izaya 41:10

  Ou pa sipozé vini pawfé pou dèdiké lavi’w pou Jéhova. Jéhova kay édé’w pou fè sa ki dwèt.

• Kòlòsé 1:10

  Si ou pè ou kay dézapwènté Jéhova, lanmityé’w pou Jéhova kay édé’w ganyen a bout pèwèz sala.

“O Bondyé mwen-an, mwen ka pwan plézi pou fè divwa’w, èk lwa’w ofon tjè mwen.”—Sam 40:8 (New World Translation)

Ki sa ou ni pou fè pou dèdiké lavi’w pou Jéhova?

• Jan 17:3

  ÉTIDYÉ PAWÒL BONDYÉ

  Ou ni pou vini konnèt Jéhova èk Jézi Kwi. Pli ou apwann konsèné yo, pli ou kay enmen yo.

• Hibrou 11:6

  FÒTIFYÉ LAFWA’W

  Mété tout konfyans ou an sé pwonmèt-la Bondyé fè-a, èk osi ni konfyans ki, sakwifis Jézi sa sové nou hòd péché èk lanmò.

• Twavay 3:19

  WÉPANTI

  Sa vlé di ou sipozé wigwété tout sa ou té fè avan ki pa té bon.

  TOUNEN HÒD PÉCHÉ’W

  Sa vlé di ou ni pou doubout fè sa ki pa bon, èk fè sa ki dwèt.

• 1 Pita 4:2

  DÈDIKÉ LAVI’W POU BONDYÉ

  Sa vlé di, an lapwiyè, ou ka pwonmèt Bondyé ou kay adowé’y sèlman èk fè divwa’y pli enpòtan bagay-la an lavi’w.