“Kité Wéyòm ou vini. Kité volontè’w fèt asou latè-a menm kon I ka fèt an syèl-la.”—Mafyou 6:9-13 (New World Translation)

Ki sa Wéyòm Bondyé yé?

• Wévélasyon 11:15

  Wéyòm Bondyé, èben gouvèdman’y, kay kondwi latè-a hòd syèl.

• Wévélasyon 17:14

  Jézi sé Wa Wéyòm Bondyé.

• Wévélasyon 14:1, 4

  Yon san kawant kat mil (144,000) moun kay kondwi épi Jézi hòd syèl.

• Hibrou 4:15; 5:8

  Jézi èk yon san kawant kat mil (144,000) moun-lan ki kay kondwi épi’y, ka konpwann mannyè nou ka santi èk sé pwòblenm-lan nou ka débat épi.

“I kay jijé sé maléwé-a épi jistis.”—Izaya 11:4 (New World Translation)

Pouki Jézi sé pli mèyè Wa-a pou Wéyòm Bondyé?

• 1 Timòfi 6:16

  Lézòm ki ka kondwi apwézan kay mò, kanmenm Jézi pa kay janmen mò. Sé pou wézon sala tout bonté-a Jézi kay fè ban nou kay diwé pou tout tan.

• Izaya 11:2-4

  Jézi sa fè pli bon bagay pasé népòt wa. Si ou mété tout wa lézòm ansanm, Jézi ni pli pouvwa pasé yo tout. I jis èk I ni konpasyon.

“Dyé syèl-la kay établi an Wéyòm ki pa kay janmen kwazé.”—Dannyèl 2:44 (New World Translation)

Ki sa Wéyòm-lan ja fè? Ki sa Wéyòm-lan kay fè an tan pou vini?

• Wévélasyon 12:7-12

  An lanné mil nèf san katòz (1914), apwé Jézi vini wa, I jété Satan asou latè-a. Sé pou wézon sala tout oliwon latè-a ni an chay twaka, penn èk soufwans.

• Ékléziyastis 8:9; Wévélasyon 16:16

  Diwan Anmagèdonn, Wéyòm Bondyé kay détwi tout gouvèdman ki méchan, ki pa bon, èk ki ka fè moun soufè.

• Sam 37:10

  Bondyé kay détwi moun ki ka kontiné fè sa ki mové.

• Wévélasyon 22:1-3

  Lè Wéyòm Bondyé ka kondwi latè-a, pyèsonn pa kay tonbé malad èben mò, èk tout lézòm kay onnowé non Bondyé.