LISON 11
Ki Mannyè Pwensip Ki An Bib-la An Bennéfis Nou?
1. Pou ki wézon nou bizwen djid?
Kwéyatè nou ni pli lasajès pasé nou. Paski I sé an bon Papa, I konsèné épi nou. Osi, sé pa té antansyon’y pou nou kondwi kò nou. (Jérémaya 10:23) Alò, menm kon an ti manmay bizwen djid pawan’y, nou tout bizwen djid Bondyé. (Izaya 48:17, 18) Pwensip ki an Bib-la ki ka djidé nou sé an kado Bondyé ban nou.—Li 2 Timòfi 3:16.
Sé lwa-a èk sé pwensip-la Jéhova ban nou-an ka fè nou konnèt pli mèyè mannyè-a pou viv apwézan. Yo ka osi moutwé mannyè nou sa jwenn bennédiksyon ki kay diwé pou tout tan an tan pwochen. Paski sé Bondyé ki kwéyé nou, I ka fè sans pou nou moutwé apwésiyasyon pou li èk kouté konsèy li.—Li Sam 19:7, 11; Wévélasyon 4:11.
2. Ki sa pwensip ki an Bib-la yé?
Pwensip ki an Bib-la sé lavéwité ki byen établi èk ki pa ka chanjé. Mé, lwa sé pou sèten sitiwasyon. (Ditonronnonmi 22:8) Nou ni pou katjilé fon pou konpwann mannyè pou apliké an pwensip adan an sitiwasyon. (Provèb 2:10-12) Pa ègzanp, Bib-la di lavi sé an kado Bondyé ban nou. Pwensip senp sala sa djidé nou an twavay nou, lakay nou, èk lè nou ka voyajé. I ka ankouwajé nou pou pwan pwokosyon pou pwotéjé lavi.—Li Twavay 17:28.
3. Ki dé pwensip ki pli enpòtan?
Jézi té palé konsèné dé pwensip ki pli enpòtan. Pwèmyé-a wévélé pou ki wézon lézòm ka viv—pou konnèt Bondyé, pou enmen’y, èk pou adowé’y fidèlman. An tout disizyon nou ka fè nou Provèb 3:6) Moun ki swiv pwensip sala épi tout tjè yo kay fè jan épi Bondyé, yo kay ni lakontantman èk yo kay ni lavi étonnèl.—Li Mafyou 22:36-38.
sipozé konsidiwé pwèmyé pwensip sala. (Dézyenm pwensip-la sa édé nou viv an lapé épi lézòt. (1 Kòrint 13:4-7) Pou apliké dézyenm pwensip sala nou ni pou imité Bondyé an mannyè-a I ka twété moun.—Li Mafyou 7:12; 22:39, 40.
4. Ki mannyè pwensip ki an Bib-la an bennéfis nou?
Pwensip ki an Bib-la ka enstwi fanmi mannyè pou simanté lilyon yo an lanmityé. (Kòlòsé 3:12-14) An lòt pwensip an Pawòl Bondyé ki ka pwotéjé fanmi sé—mawiyaj sipozé diwé pou tout tan.—Li Jennésis 2:24.
Lè nou swiv lésisyon ki an Bib-la, sa ka pwotéjé nou an diféwan mannyè. Pa ègzanp, mèt twavay toujou simyé twavayè ki onnèt èk twavayan paski yo ka swiv pwensip ki an Bib-la. (Provèb 10:4, 26; Hibrou 13:18) Pawòl Bondyé ka osi enstwi nou mannyè pou nou satisfè épi bagay ki nésésè épi pou mété pli valè asou wilasyon nou épi Bondyé pasé asou byen latè-a.—Li Mafyou 6:24, 25, 33; 1 Timòfi 6:8-10.
Lè nou apliké pwensip ki an Bib-la sa ka pwotéjé santé nou. (Provèb 14:30; 22:24, 25) Pa ègzanp, lè nou obéyi lwa Bondyé pou pa bwè pou nou sou, nou ka pwotéjé kò nou kont mové maladi èk aksidan. (Provèb 23:20) Jéhova ka pèwmité nou pou bwè wonm mé pa twòp. (Sam 104:15; 1 Kòrint 6:10) Pwensip Bondyé an bennéfis nou paski yo ka enstwi nou pou kontwòlé aksyon nou épi katjil nou. (Sam 119:97-100) Kanmenm, Kwityen ki vwé pa ka wèspèkté wèg Bondyé annèk pou bennéfis yo. Yo ka fè sa pou onnowé Jéhova.—Li Mafyou 5:14-16.