Bondyé vlé moun jwi lavi asou latè-a. I kwéyé latè-a èk tout bagay ki asou’y paski I enmen lézòm. Touswit I kay pwan aksyon pou potjiwé an pli mèyè lavi bay moun an tout péyi. I kay tiwé tout bagay ki ka fè lézòm soufè.​—Li Jérémaya 29:11.

Pyès gouvèdman p’òkò janmen doubout vyolans, maladi, ében lanmò. Mé la ni bon nouvèl. Touswit, Bondyé kay wiplasé tout gouvèdman lézòm épi gouvèdman’y menm. Moun ki kay viv anba gouvèdman sala kay ni lapé èk bon santé.​—Li Izaya 25:8; 33:24; Dannyèl 2:44.

Soufwans kay fini sèlman lè Bondyé tiwé tout mové moun asou latè-a. (Zèfinaya 2:3) Ki tan sa kay fèt? Pawòl Bondyé té ja palé konsèné sé mové kondisyon-an ki ka afèkté lézòm apwézan. Bagay ki ka fèt atjwèlman ka moutwé ki tan-an pou Bondyé pwan aksyon ja tou pwé.​—Li 2 Timòfi 3:1-5.

Nou sipozé apwann konsèné Bondyé an Pawòl li, Bib-la. I menm kon an lèt an bon papa voyé ban nou. I ka di nou mannyè pou ni an pli mèyè lavi atjwèlman èk mannyè pou ni lavi étonnèl asou latè an tan pwochen. Sèten moun pé pa kontan pou wè ou ka wisivwè èd pou konpwann Bib-la. Mé òpòtyounité-a pou ni an pli mèyè lavi an tan pwochen twò bon pou mantjé.​—Li Provèb 29:25; Wévélasyon 14:​6, 7.