Nou ka wimèsyéʼw paski ou pwan tan-an pou ègzanminé ti liv sala. Ou vini konnèt ki kalité moun Témwen Jehovah yé, ou apwann konsèné akitivité nou èk ou wè mannyè ògannizasyon nou ka fonksyonnen. Nou ni èspwa I ja édé’w idantifyé nou kon sé moun-an ki ka fè divwa Jehovah an tan jòdi. Nou ka ankouwajé’w pou kontiné apwann konsèné Bondyé, pou di lèwèstan fanmi’w épi jan’w sa ou ka apwann, èk pou asosiyé wégiliyèman épi nou an sé mitin nou-an.—Hibrou 10:​23-25.

Ou kay twapé ki pli ou apwann konsèné Jehovah, sé pli ou kay wè mannyè I vwéman enmenʼw. Èk sa kay motivé’w pou fè tout sa ou pé pou moutwé ou enmen’y tou. (1 Jan 4:​8-10, 19) Mé ki mannyè ou sa moutwé dézi sala an lavi’w toulé jou? Pou ki sa I an pwofi’w pou mennen kondwit ou an ling épi pwensip Bondyé? Èvék ki sa ki kay édé’w ni dézi-a pou fè divwa Bondyé ansanm épi nou? I kay fè moun-an ki ka étidyé épiʼw-la plézi pou ègzanminé sé wépons-lan épiʼw. Kon sa, ou épi fanmi’w kay sa “tjenn kò zòt an lanmityé Bondyé . . . èvèk zyé ki fiksé asou lavi étonnèl.”—Joud 21.

Nou ka ankouwajé’w épi tout tjè nou, pou kontiné fè pwogwé an lavéwité-a lè’w étidyé piblikasyon sala apwé “Keep Yourselves in God’s Love”.