FÈ DISIP
LISON 10
Fè Tout Sa’w Pé Pou Édé Moun Vini Disip Jézi
Pwensip-la: “Nou enmenʼw tèlman, sé pa Bon Nouvèl Bondyé-a tousèl nou té baʼw, mé nou té kontan pou kité jis zafè nou dèyè pou lapétiʼw paski ou té tèlman chè pou nou.”—1 Tèsalonnika 2:8.
Jézi Té Fè Tout Sa’y Pé Pou Enstwi Moun
1. Gadé VIDIYO-A, Jézi Enstwi Nikodimòs ében li ében kouté Jan 3:1, 2. Èk apwé nou kay kozé asou dé (2) kèstyon:
-
Silon Jan 12:42, 43, pouki ou kwè Nikodimòs té vin’ wè Jézi òswè?
-
Yon swè Jézi té kozé épi Nikodimòs. Ki mannyè sa ka moutwé Jézi té ka fè tout sa’y pé pou édé moun vini disip li?
Kisa Nou Apwann Hòd Ègzanp Jézi?
2. Nou ka fè tout sa nou pé pou édé moun vini disip Jézi, paski nou enmen yo.
Swiv Ègzanp Jézi
3. Étidyé Bib-la lè-a èk plas-la ki pli mèyè pou étidyan Bib ou. Étidyan Bib ou pé vlé étidyé asou on sèten jou, ében on sèten lè an simenn-lan. Èk i pé simyé fè létid-la adan on sèten plas, tèl kon, plas twavay li, kay li, ében on lòt koté. Konsa, si’y posib, nou ni pou fè tout sa nou pé pou étidyé Bib-la lè-a èk plas-la ki pli mèyè pou’y.
4. Étidyé chak simenn. Si’w pa sa fè létid-la jou-a èk lè-a zòt akoutimé fè’y, la ni diféwan bagay ou sa fè. Pou ègzanp:
5. Mandé Jéhova pou édé’w tjenn on bon atitid. Si étidyan Bib ou ka mantjé létid-la délè, ében i difisil pou’y apliké sa’y ka apwann, kisa ou sa fè? Ében, ou sa mandé Jéhova pou édé’w fè tout sa ou pé pou édé’y. (Filipay 2:13) Osi, i bon pou tjenn an lidé, étidyan Bib ou ni bon kawaktè. Konsa mandé Jéhova pou édé’w fiksé asou sé bon kawaktè sala.
OSI OU SA LI ÉBEN KOUTÉ SÉ LÉVANIL SALA
Pwovèb 3:27; Twavay 20:35; 2 Kòrint 12:15
