MANNYÈ POU KOUMANSÉ AN KONMÉZASYON
LISON 4
Abésé Kò’w
Pwensip-la: “Toujou abésé kòʼw bay yonn a lòt épi toujou konsidiwé lòt moun-an pli bon paséʼw.”—Filipay 2:3.
Mannyè Zapòt Pòl Té Abésé Kò’y
1. Gadé VIDIYO-A, Pòl Ka Pwéché Bay Wa Agripa ében li ében kouté Twavay 26:2, 3. Èk apwé nou kay kozé asou dé (2) kwèsyon:
-
Ki mannyè zapòt Pòl té abésé kò’y an mannyè-a i té ka palé épi Wa Agripa?
-
Silon Twavay 26:22, ki mannyè zapòt Pòl té fè moun fiksé asou Jéhova èk sé lévanjil-la pito yo té fiksé asou’y?
Kisa Nou Apwann Hòd Ègzanp Zapòt Pòl?
2. Lè nou abésé kò nou, èk nou palé adan an mannyè ki wèspèktab, moun kay vlé kouté konmisyon nou.
Swiv Ègzanp Zapòt Pòl
3. Lè ou ka palé bay moun, palé adan an mannyè ki wèspèktab. Konsa, lè nou ka palé épi an moun, nou pa vlé palé adan an mannyè pou fè moun-lan kwè nou konnèt tout bagay, èk pou fè moun-lan santi i pa konnèt anyen.
4. Fè moun wè sa ou ka enstwi sòti an Pawòl Bondyé. Pawòl Bondyé ni pouvwa-a pou touché tjè moun. Alò lè nou sèvi Pawòl Bondyé kon nou ka ni konmézasyon épi moun, nou ka édé yo ni pli lafwa an Bib-la.
5. Moutwé bon mannyè. Lè nou ka palé épi an moun, pa fòsé moun-lan pou aksèpté sa nou ka di. Osi nou pa vlé babyé épi moun-lan. Pito sa, nou vlé wèsté kam, èk avan babyé-a pété nou vlé kité. (Pwovèb 17:14; Titòs 3:2) An plis di sa, lè nou moutwé bon mannyè, pitèt moun-lan kay kouté konmisyon nou an lòt jou.
