MANNYÈ POU KOUMANSÉ AN KONMÉZASYON
LISON 5
Moutwé Wèspé
Pwensip-la: “Pwan gad lè zòt ka chwazi pawòl pou palé épi lézòt.”—Kòlòsé 4:6.
Mannyè Zapòt Pòl Té Moutwé Wèspé
1. Gadé VIDIYO-A, Zapòt Pòl Ka Pwéché Bay Jan Vil Afenz ében li ében kouté Twavay 17:22, 23. Èk apwé nou kay kozé asou dé (2) kwèsyon:
-
Silon Twavay 17:16, ki mannyè zapòt Pòl té santi lè’y té wè tout sé imaj-la ki té an vil Afenz?
-
Pito zapòt Pòl kondanné jan Afenz, ki mannyè i té moutwé yo wèspé lè’y té ka patajé bon nouvèl-la épi yo?
Kisa Nou Apwann Hòd Ègzanp Zapòt Pòl?
2. I kay pli ézé pou on moun kouté nou, si nou byen chwazi sa nou kay di, mannyè-a nou kay di’y, èk lè-a nou kay di’y.
Swiv Ègzanp Zapòt Pòl
3. Sèvi pawòl moun sa konpwann. Pou ègzanp, lè’w ka palé ba yon moun ki pa on Kwityen, ou pé ni pou chanjé mannyè-a ou ka entwodwi Bib-la, ében sa ou ka di moun-lan konsèné Jézi.
4. Sé pa pou’w twò pwésé pou kowijé moun-lan. Kité moun-lan di sa ki an tjè’y. Èk si’y di on bagay Bib-la pa ka enstwi, pa pwésé pou kowijé’y. Pito sa, fè éfò-a pou kouté moun-lan byen. (Jémz 1:19) Èk lè’w fè sa, ou kay konpwann kisa i ka kwè adan, èk pouki i ka kwè’y.—Pwovèb 20:5.
5. Fiksé asou bagay ou èk moun-lan ka dakò asou èk konplimanté’y. Moun-lan pé vwéman kwè sa’y ka kwè adan sé lavéwité-a. Konsa, fè éfò pou palé asou on bagay zòt toulédé-a ka dakò asou. Èk piti an piti, kon tan ka pasé, ou kay édé’y pou apwann sa Bib-la ka enstwi.
OSI OU SA LI ÉBEN KOUTÉ SÉ LÉVANJIL SALA
Pwovèb 25:15; 2 Timòfi 2:23-26; 1 Pita 3:15
