SA POU FÈ LÈ’W VIWÉ KOZÉ ÉPI ON MOUN
LISON 8
Ni Pasyans
Pwensip-la: “Lanmityé ni pasyans.”—1 Kòrint 13:4.
Mannyè Jézi Moutwé I Té Ni Pasyans
1. Gadé VIDIYO-A, Jézi Té Ni Pasyans Lè’y Té Ka Édé Fwè’y èben li ében kouté Jan 7:3-5 èk 1 Kòrint 15:3, 4, 7. Èk apwé, nou kay kozé asou dé (2) kèstyon:
Kisa Nou Apwann Hòd Ègzanp Jézi?
2. Nou sipozé ni pasyans paski la ni moun ki ka pwan pli tan pasé lézòt pou aksèpté Bon Nouvèl-la.
Swiv Ègzanp Jézi
3. Sèvi diféwan mannyè pou lévé lantéwé moun-lan. Si moun-lan pa dakò pou étidyé Bib-la la menm, pa fòsé’y. Mé, lè ou twapé an bon lokazyon, ou sa sèvi sé vidiyo-a ében diféwan atik pou édé moun-lan konpwann mannyè an létid Bib ka fèt, èvèk sé bennéfis-la i kay twapé lè’y étidyé Bib-la.
4. Pa konpawé yon moun épi on lòt. Chonjé, chak moun diféwan, èvèk chak moun ni diféwan sitiwasyon. Konsa, si an moun an fanmi’w, ében on moun ou ka witounen asou pa vlé étidyé Bib-la, ében yo pa vlé aksèpté an bagay Bib-la ka enstwi, éséyé pou konpwann pouki moun-lan ka santi kon sa. Pitèt la ni an bagay moun-lan apwann an wilizyon’y ki byen enpòtan pou li, èvèk sa ka fè’y difisil pou’y aksèpté sa Bib-la ka di. Ében pitèt jan’y ében moun an fanmi’y ka ba’y chalè pou’y pa étidyé Bib-la. Alò, i kay bon pou bay moun-lan asé tan pou katjilé asou sa ou ja di’y, èk pou’y wè valè-a ki an konmisyon-an ki an Bib-la.
5. Pwédyé pou moun-lan ki moutwé lantéwé an Bon Nouvèl-la. Ou sa mandé Jéhova pou édé’w tjenn an atitid ki pozitiv pou’w sa kontiné édé moun-lan èk moutwé’y wèspé. Osi, ou sa mandé Jéhova pou édé’w konnèt lè on moun pa vwéman antéwésé an Bon Nouvèl-la, pou’w sa doubout kwiyé asou’y.—1 Kòrint 9:26.
