SA POU FÈ LÈ’W VIWÉ KOZÉ ÉPI ON MOUN
LISON 9
Mété Kò’w An Plas Moun-lan
Pwensip-la: “Sé pou ou kontan épi sé sa ki kontan-an, épi sé pou ou an lapenn épi sé ka ki an lapenn-an.”—Ronm 12:15.
Mannyè Jézi Té Mété Kò’y An Plas Moun
1. Gadé VIDIYO-A, Jézi Santi Lapenn Bay Sé Moun-lan ében li ében kouté Mak 6:30-34. Èk apwé, nou kay kozé asou dé (2) kèstyon:
Kisa Nou Apwann Hòd Ègzanp Jézi?
2. Lè nou mété kò nou an plas moun, nou kay moutwé yo nou vwéman mélé épi yo, èk nou kay osi enstwi yo Bon Nouvèl-la.
Swiv Ègzanp Jézi
3. Kouté moun-lan byen. Lè’w ka palé épi on moun, bay moun-lan chans pou’y di’w sa ki asou lidé’y. Konsa, pa koupé pawòl li, èvèk pa fè’y santi akwèdi ou pa antéwésé an sa i ka di ében an sa ki enpòtan pou li. Osi, kouté moun-lan menm si i pa ka dakò épi sèten bagay nou ka kwè adan. Anfen, lè’w pwan tan pou kouté moun-lan, ou ka moutwé’y ou vwéman mélé épi’y.
4. Kontiné katjilé asou moun-lan. Silon konvézasyon-an ou té ni épi moun-lan, ou sa mandé kò’w:
5. Palé épi moun-lan konsèné bagay ki sa vwéman édé’y. Pa tadé pou moutwé moun-lan mannyè on létid Bib kay édé’y an diféwan fason an lavi’y, èk mannyè i kay édé’y twapé wépons pou sé kèstyon-an i ni-an.
