LISON 8
Ki Sa Lanmò Jézi Vlé di Pou Ou?
Jézi mò pou nou pé jwenn lavi. Jan 3:16
Twa jou apwé Jézi mò, déotwa madanm vizité tonm-lan èk twapé I vid. Jéhova wésisité Jézi hòd lanmò.
Pli ta Jézi pawèt douvan sé zapòt li-a.
Wi, Jéhova wésisité Jézi pou lavi kon an lèspwi imòtèl ki ni an pil pouvwa. Sé disip Jézi-a wè lè I mouté an syèl.
Bondyé wésisité Jézi épi fè’y Wa an Wéyòm Bondyé. Dannyèl 7:13, 14
Jézi bay lavi’y pou péyé an lanmann bay lézòm. (Mafyou 20:28) Épi lanmann sala, Bondyé fè’y posib pou nou sa viv pou tout tan.
Jéhova apwenté Jézi kon Wa pou kondwi latè-a. I ni 144,000 moun ki fidèl épi’y, ki wésisité sòti an latè-a pou lavi an syèl. Jézi èk sé 144,000 moun sala ka fòmé an gouvèdman ki ni jistis an syèl—gouvèdman sala sé Wéyòm Bondyé.—Wévélasyon 14:1-3.
Wéyòm Bondyé kay fè latè-a an pawadi. La pa kay ni ladjè, kwim, pòvté, èk lafen ankò. Moun kay vwéman ni lakontantman.—Sam 145:16.
Ou Pé Osi Enmen
ESSENTIAL BIBLE TEACHINGS
Pou ki Wézon Jézi Mò?
Ou pitèt ja tann I mò pou péché nou. Mé, ou pé mandé, ki mannyè lanmò yon nonm sa bennifisyé tout moun?
MÉMORIYAL
Chonjé Lanmò Jézi
Nou ka envité’w pou vini jwenn nou pou sélébwasyon lanmò Jézi Kwi. Apwann kouman sakwifis Jézi ka mennen bennéfis pou ou.
LIV & TI LIV
Ès Moun Ki Mò Sa Viv Ankò?
Ès an moun ou enmen ja mò? Sa Bib-la di sa vwéman konfòté’w.
