LISON 3
Ki Mannyè Lavi Té Yé An Pawadi?
Jéhova bay Adanm épi Èv an chay bon bagay. Jennésis 1:28
Jéhova fè pwèmyé fanm-lan, Èv, èk I mennen’y bay Adanm pou madanm li.—Jennésis 2:21, 22.
Jéhova kwiyété yo épi kò èk lidé ki té pawfé, san pyès défo.
Yo té ka wèsté an Pawadi, sa sété jaden Édenn—an plas di gwan bèlté ki té ni an lawivyè èk pyé fwi épi zannimo.
Jéhova palé bay yo; I enstwi yo. Si yo té kouté’y, yo té kay viv pou tout tan an Pawadi asou latè.
Bondyé di pa manjé adan yonn an sé pyé fwi-a. Jennésis 2:16, 17
Jéhova moutwé Adanm épi Èv yon pyé fwi an jaden-an èk I di yo si yo manjé adan’y, yo kay mò.
Yonn an sé nanj-lan wébélé kont Bondyé. Nanj méchan sala sé Satan Denmou-an.
Satan pa té vlé Adanm épi Èv obéyi Jéhova. Kon sa I sèvi an sèpan pou di Èv si I manjé fwi-a an pyé sala, I pa té kay mò, mé I té kay menm kon Bondyé. Mé asiwé, sa sété an mansonj.—Jennésis 3:1-5.
Ou Pé Osi Enmen
ESSENTIAL BIBLE TEACHINGS
Pouki Bondyé Kwéyé Latè?
Pa dé bèl latè-a bèl. I pa ni twò pwé ni twò lwen sòlèy-la, I byen plasé, èk I pa ka tounen twò vit. Pouki Bondyé fè tout éfò sala pou fè latè-a otan bèl?
