Sèvi enfòmasyon moun sa dépan asou. Bazé sa ou ka di asou Pawòl Bondyé èk li Bib-la lè I posib. Si ou ka sité enfòmasyon konsèné siyans, nouvèl, èspéyans èben népòt lòt bagay, fè asiwé ki, moun sa konfyé sous enfòmasyon’w. Osi, fè asiwé enfòmasyon-an ou ka sité sé enfòmasyon ki pli nèf-la.

Sèvi tout sous enfòmasyon byen. Lè ou ka èspliké an lévanjil, èspliké’y an ling épi (1) kontèks-la; (2) konmisyon-an ki an Bib-la; èk (3) sa sé piblikasyon-an ‘èslav-la ki fidèl èk ki ni lasajès’ ka di. (Maf. 24:45, NWT ) Lè ou sèvi enfòmasyon ki pa an Bib-la, pa chanjé sans enfòmasyon-an èk pa di kéchòy ki diféwan hòd sa moun-lan té ékwi.

Wézonnen asou enfòmasyon-an. Apwé ou li an vèwsé èben ou sité enfòmasyon, mandé kwèsyon èben sèvi an ilistwasyon pou édé moun ki ka kouté’w pou twapé pwen-an.