Mannyè ou sa jwenn bennéfis an sé lison sala
Pwèmyéman, konsidiwé enfòmasyon-an ki asou paj sala, èk apwé gadé VIDIYO-A.
PWÈMYÉ PA
Li chak pawagwaf épi sé kèstyon-an (A) èk sé lévanjil-la (B) ki ka pézé fò asou sé pwen-an ki pli enpòtan. Noté, i ni yonndé vèwsé ki ni mo pawòl-la, “li” ékwi douvan yo.
DÉZYENM PA
Santans-lan (C) ki anba Annou Apwann Pli ka ba’w on ti lidé asou sa ou kay apwann. Ti tit-la (D) ka entwodwi sé gwo pwen-an. Li sé lévanjil-la, mandé sé kèstyon-an, èk gadé sé vidiyo-a épi titja’w.
Sé VIDIYO-A ka ba’w lòt enfòmasyon pou édé’w konpwann sijé-a pli mèyè. La ni vidiyo ki ka moutwé bagay ki vwéman fèt. Èk la ni lòt vidiyo ki ka moutwé sitiwasyon ében bagay moun pé èspéyansé jòdi.
Osi, byen gadé sé pòtwé-a, èk sé enfòmasyon-an ki ka èspliké yo (E). Èk katjilé asou ki mannyè ou té kay wéponn kèstyon-an ki anba Adan Moun Ka Di (F).
DÈNYÉ PA
Lison-an ka fini épi Chonjé Sé Pwen Sala èk Annou Wivizé Sa Nou Ja Apwann (G). Apwé sa, la ni an ti plas ou sa ékwi dat-la ou fini lison-an. Anba Bagay Ou Sa Fè (H), la ni diféwan sijèsyon asou diféwan bagay ou sa éséyé fè. Anba Lòt Enfòmasyon Ou Sa Gadé (I), ou kay twouvé pli enfòmasyon pou’w sa gadé ében li.
Sé Sèksyon-an
|
|
|
|
Mannyè ou sa twouvé sé vèwsé-a an Bib ou
Bib-la ni swasant sis (66) ti liv andidan’y. I ni dé sèksyon: liv ki té ékwi an Hibrou èk Araméyik (“Vyé Tèstanman-an”) èk liv ki té ékwi an Grik (“Tèstanman Nèf-la”).
Lè ou wè an lévanjil, pwèmyé bagay-la ou kay wè sé, non liv Bib-la (A), èk apwé, ou kay wè chapit-la (B). Finalman, ou kay wè yonn ében plizyè vèwsé (C).
Pou ègzanp, Jan 17:3 ka voyé’w pou liv Jan, chapit 17 èk vèwsé 3.
