LISON 02

Bib-la Ka Ban Nou On Bèl Èspwa

JWÉ

Moun oliwon latè-a ni pwòblenm ki ka ba yo twistès, tèt cho, èk penn. Ès ou ja èspéyansé pwòblenm ki té ba’w an chay tèt cho? Ében pitèt apwézan ou ka soufè paski ou malad. Ében ou an penn paski ou pèd an moun ou enmen an lanmò. Épi ou ka katjilé, ‘Ès lavi kay janmen vini pli mèyè?’ Bib-la sa ba’w on bèl wépons pou kwèsyon sala.

1. Ki mannyè Bib-la ka ban nou èspwa?

Bib-la ka di nou pouki latè-a ni pwòblenm konsa. Mé osi, i ka ban nou bon nouvèl. I ka di nou, sé pwòblenm-lan nou ni apwézan pa kay diwé pou tout tan. Bondyé pwonmèt i kay tiwé sé pwòblenm sala touswit. Sé pwonmèt-la ki an Bib-la ka ban nou on bèl ‘èspwa pou [tan ki ka vini].’ (Li Jérémaya 29:11, 12 NWT) Mé dépi atjwèlman, sé pwonmèt sala ka édé nou pou tjenbé fò èk pou pa pèd èspwa magwé nou ni pwòblenm. Alò, nou asiwé nou kay ni lakontantman èk djèwté pou tout tan.

2. Kisa Bib-la pwonmèt konsèné lavi an tan ki ka vini?

Jòdi jou, lavi nou plen twaka, tèl kon: pòvté, enjistis, maladi èk lanmò. Mé sé bagay sala pa kay la ankò. Paski Bib-la pwonmèt an tan ki ka vini “la pa kay ni lanmò ankò. La pa kay ni lapenn ében pléwé ében soufwans ankò.” (Li Wévélasyon 21:4.) Wi, Bib-la pwonmèt ou sa ni on bon lavi pou tou tan asou latè-a an Pawadi. Ès ou pa té kay kontan sa?

3. Ki mannyè ou sa asiwé sé pwonmèt-la ki an Bib-la kay vwéman fèt?

Tout moun vlé on bon lavi pou yo èk fanmi yo. Mé, sa pa vlé di yo asiwé sa kay fèt. Kanmenm, sé pa konsa i yé lè’y vini pou sé pwonmèt-la ki an Bib-la. Nou asiwé sé pwonmèt-la ki an Bib-la kay vwéman fèt. Konsa, si ou pwan an ti tan èk ‘ègzanminé sa sé lévanjil-la ka di,’ sa kay ba’w konfyans an sé pwonmèt-la ki an Bib-la. (Twavay 17:11 NWT) Lè ou étidyé Bib-la, ou kay sa désidé pou kò’w si ou sa kwè sé pwonmèt-la ki an Bib-la.

ANNOU APWANN PLI

Apwézan, nou kay ègzanminé adan sé pwonmèt-la ki an Bib-la pou tan ki ka vini. Épi nou kay gadé mannyè èspwa-a Bib-la ka bay ka édé moun an tan nou jòdi.

4. Bib-la pwonmèt nou sa viv pou tout tan san pyès soufwans èk pwòblenm

Annou li sé dis (10) pwonmèt Bib-la ki an bout paj sala. Kilès ou pli kontan? Pouki ou kontan sala?

Apwézan annou li sé lévanjil-la sé pwonmèt sala bazé asou, èk apwé nou kay kozé asou sé kwèsyon sala:

Kon ou apwann sa, koumannyè sa ka fè’w santi? Ès ou pa té kay kontan sa pou jan’w èk pou fanmi’w?

Imajiné ou ka viv asou latè-a lè

PYÈSONN PA KAY . . .	TOUT MOUN KAY ENJWI SÉ BÈL BAGAY SALA . . .
soufè, vini vyé, ében mò.—Izaya 25:8.	jan nou èk fanmi nou ki ja mò kay wésisité èk yo kay viv asou latè-a.—Jan 5:28, 29.
enfim ében tonbé malad.—Izaya 33:24; 35:5, 6.	tout moun kay jenn èk ni bon santé.—Jòb 33:25.
èspéyansé enjistis ében pasdwa.—Izaya 32:16, 17.	an chay bon bagay pou manjé, tout moun kay ni bèl kay yo, èk tout moun kay pwan plézi an twavay yo.—Sam 72:16; Izaya 65:21, 22.
soufè annékòz di ladjè.—Sam 46:9.	la kay ni lapé alabondans.—Sam 37:11.
chonjé sé mové bagay-la ki té ka fè yo soufè.—Izaya 65:17.	lavi pou tout tan asou latè an bon kondisyon.—Sam 37:29.

5. Sé pwonmèt-la ki an Bib-la sa édé’w dépi atjwèlman

An chay moun ka santi dékouwajé èk faché, lè yo wè pwòblenm èk enjistis oliwon yo. Anfen, adan di yo ka si tèlman faché, yo ka goumen pou jistis. Mé gadé mannyè sé pwonmèt-la ki an Bib-la ka édé moun dépi atjwèlman. Annou gadé VIDIYO-A, Mwen Té Vlé Goumen Kont Enjistis èk apwé nou kay kozé asou sé kwèsyon sala.

VIDIYO: Mwen Té Vlé Goumen Kont Enjistis (4:07)

An vidiyo-a, kisa ki té ka fè Rafika faché?
Magwé sitiwasyon-an pa té chanjé, ki mannyè Bib-la té édé Rafika?

Lè nou ni konfyans an sé pwonmèt-la ki an Bib-la, nou sa ganyen a bout dékouwajman èk nou sa ni tjè kontan magwé nou ni pwòblenm. Annou li Pwovèb 17:22 èk Ronm 12:12, èk apwé nou kay kozé asou sé kwèsyon sala: