LISON 04
Ki Moun Bondyé Yé?
Pou pwèskè tout sé lanné-a lézòm asou latè-a, yo ja adowé tout diféwan kalité dyé. Mé, Bib-la palé konsèné yon sèl Dyé ki ni ‘pli [laglwa] pasé tout lòt dyé.’ (2 Kwonnikèl 2:5) Ki moun ou kwè Dyé sala yé? Épi kisa ki ka fè’y ni pli laglwa pasé tout lòt dyé moun ka adowé? An lison sala ou kay apwann kisa Dyé sala vlé’w konnèt konsèné’y.
1. Koumonnon Bondyé, èk kisa ki ka moutwé i vlé nou konnèt non’y?
Jéhova vlé nou konnèt non’y. An Bib-la, Bondyé ka di nou non’y. l di: ‘Mwen sé Jéhova, sé sa ki non mwen.’ (Li Izaya 42:5, 8.) An Hibrou, non-an “Jéhova” vlé di: ‘I Sa Annékòz Népòt Sa I Vlé Fèt’. (Ègzodòs 3:15) Kisa ki ka moutwé Bondyé vlé nou konnèt non’y? Nou sav Bondyé vlé nou konnèt non’y, paski i mété non’y an Bib-la pli pasé sèt mil (7,000) fwa! a Non-an “Jéhova” sé non sèl Dyé vwé-a. “Sa sé Papa-a ki fè tout bagay.”—1 Kòrint 8:5, 6
2. Kisa Bib-la ka di nou konsèné Jéhova?
Bib-la di nou, anpami tout sé dyé-a lézòm ka adowé-a, Jéhova sé sèl Dyé vwé-a. Poutji nou sav Jéhova sé sèl Dyé vwé-a? Ében la ni plizyè wézon. Sé Jéhova ki ni pli lotowité, épi sé li sèlman ki ‘Pli Ho-a asou tout latè-a’. (Li Sam 83:18.) Bib-la di, Jéhova sé ‘Dyé Toupisan-an’. Sa vlé di, i ni pouvwa-a pou fè népòt sa i vlé fè. Bib-la di sé Jéhova “ki fè tout bagay”, tèl kon latè-a, syèl-la, lalin-an, èk sòlèy-la. Wi, tout bagay ki asou latè-a èk an syèl-la, sé Jéhova ki fè yo. (Wévélasyon 4:8, 11) Osi, Bib-la di, Jéhova pa kon pyès lòt moun. I té toujou la, èk i kay toujou la pou tout tan.—Sam 90:2.
ANNOU APWANN PLI
Apwézan, nou kay apwann diféwans-lan ant sé tit-la Bondyé ni, èk non’y menm. Èk osi nou kay apwann, ki mannyè èk pou ki wézon Bondyé ka di’w non’y.
3. Bondyé ni plizyè tit, mé i ni yon sèl non
La ni an diféwans ant tit an moun èk non’y. Konsa pou édé’w konpwann diféwans-lan ant tit yon moun èvèk non’y menm, annou gadé VIDIYO-A, Bondyé Ni Plizyè Tit, Mé Yon Sèl Non. Èk apwé nou kay kozé asou kwèsyon sala:
-
Kisa ki diféwans-lan ant an tit, tèl kon “Senyè,” èk yon non?
Bib-la di, moun ka adowé plizyè dyé. Annou li Ègzodòs 18:11, èk apwé nou kay kozé asou kwèsyon sala:
-
Kisa vèwsé sala ka di nou konsèné Dyé vwé-a?
4. Jéhova vlé’w konnèt non’y, èk i vlé’w sèvi non’y
Kisa ki ka moutwé Jéhova vlé’w konnèt non’y? Annou gadé VIDIYO-A, Ès Bondyé Ni An Non?—An Ti Pòsyon èk apwé nou kay kozé asou kwèsyon sala:
-
Poutji ou kwè Jéhova vlé nou konnèt non’y?
Jéhova vlé moun sèvi non’y. Annou li Ronm 10:13, èk apwé nou kay kozé asou sé kwèsyon sala:
-
Poutji i enpòtan pou nou sèvi non Bondyé, Jéhova?
-
Ki mannyè ou ka santi lè moun chonjé non’w?
-
Ki mannyè ou kwè Jéhova ka santi, lè ou sèvi non’y?
5. Jéhova vlé’w vini jan’y
Nou kay gadé an vidiyo, èk nou kay apwann konsèné an madanm ki sòti péyi Kanmbodiya. Non’y sé Soten. I di, lè’y té apwann non Dyé vwé-a sa té vwéman fè’y kontan. Annou gadé VIDIYO-A, Mwen Té Ka Chaché Pou Dyé Vwé-a èk apwé nou kay kozé asou kwèsyon sala:
-
Lè Soten té apwann non Bondyé, ki mannyè i té santi?
Lè ou ka fè jan épi yon moun, pwèmyé bagay-la ou ka apwann sé non’y. Annou li pwèmyé pa-a an Jémz 4:8, èk apwé nou kay kozé asou sé kwèsyon sala:
-
Kisa Jéhova ka di’w pou fè?
-
Lè ou konnèt non Bondyé èk ou ka sèvi’y, ki mannyè sa ka édé’w pou vini pwé’y?
ADAN MOUN KA DI: “Bondyé ni an chay non, alò, ou sa kwiyé’y sa ou vlé.”
-
Ès ou asiwé, non Bondyé sé Jéhova?
-
Kisa ou té kay di yon moun, pou édé’y konpwann Bondyé vlé nou sèvi non’y?
CHONJÉ SÉ PWEN SALA
Jéhova sé non sèl Dyé vwé-a. I vlé nou konnèt non’y, èk i vlé nou sèvi non’y pou nou vini pwé’y.
Annou Wivizé Sa Nou Ja Apwann
-
Kisa ki ka fè Jéhova diféwan hòd tout lòt Dyé moun ka adowé?
-
Poutji nou sipozé sèvi non Bondyé?
-
Kisa ki ka moutwé’w Jéhova vlé’w vini pwé’y?
LÒT ENFÒMASYON OU SA GADÉ
Ègzanminé senk (5) wézon poutji nou sa asiwé la ni yon Bondyé.
Poutji nou sa kwè, Bondyé té toujou la?
Apwann poutji nou sipozé sèvi non Bondyé, menm si nou pa konnèt mannyè-a yo té ka di non’y an tan lontan.
Ès I enpòtan pou nou kwiyé non Bondyé? Apwann poutji nou sa di, Bondyé ni yon sèl non.
a Pou pli enfòmasyon konsèné kisa non Bondyé vlé di, èk sé wézon-an non-an Jéhova pa an tout Bib, gadé Appendix A4 an New World Translation of the Holy Scriptures.
