LISON 06
Ki Mannyè Lavi Té Koumansé?
‘[Bondyé] sé ou menm ki sous lavi.’ (Sam 36:9) Ès ou ka kwè sa? Adan moun ka di la pa ni pyès kwéyatè. Si sa sé lavéwité, sa vlé di nou vini asou latè-a pa chans. Mé, si sé Dyé Jéhova ki fè lavi, i té oblijé ni bon wézon pou fè sa. a Annou gadé sa Bib-la di konsèné mannyè lavi té koumansé, èk pouki la ni bon wézon pou nou kwè sa Bib-la di.
1. Ki koté latè-a épi sé étwal-la sòti?
Bib-la di: ‘An koumansman-an Bondyé [fè] syèl-la èvèk latè-a.’ (Jennésis 1:1) Plizyè siyantis épi moun ki ni gwo endikasyon dakò syèl-la épi latè-a té ni on koumansman. Ki mannyè Bondyé té fè syèl-la épi latè-a? Bondyé sèvi ‘pouvwa’y’ ében lisentèspwi’y pou fè tout bagay an syèl-la épi asou latè-a. Bagay tèl kon sòlèy-la, lalin-an, èk sé étwal-la.—Jennésis 1:2.
2. Poutji Bondyé té fè latè-a?
Jéhova ‘pa té fè latè-a pou anyen, mé i té fè’y pou moun wèsté asou’y.’ (Izaya 45:18) I fè latè-a bèl, èk i mété tout bagay lézòm bizwen pou viv asou’y pou tout tan. (Li Izaya 40:28; 42:5.) Siyantis di, latè-a spésyal. La pa ni pyès lòt koté kon li. An tout sé plannèt-la Bondyé té fè-a, latè-a sé sèl koté-a moun sa viv.
3. An ki mannyè lézòm èk zannimo diféwan?
Apwé Bondyé fè latè-a, i plen’y épi plan èk zannimo. Apwé sa, ‘Bondyé [fè] nonm-lan an imaj li.’ (Li Jennésis 1:27.) An ki mannyè lézòm spésyal? Paski lézòm té fèt an imaj Bondyé, nou ni abilité-a pou moutwé kawaktè kon lanmityé, èk jistis, menm kon Bondyé. I fè nou pou apwann diféwan langaj, pou apwésyé bèl bagay, èk pou enjwi mizik. Èk osi nou sa moutwé wèspé èk lanmityé pou kwéyatè nou. Mé sé zannimo-a pa sa fè sa.
ANNOU APWANN PLI
Apwézan, annou ègzanminé pwèv ki ka moutwé lavi pa té koumansé pa chans, mé sé yon moun ki fè tout bagay. Osi nou kay ègzanminé poutji nou sa kwè sa Bib-la ka di konsèné mannyè lavi koumansé. Èk nou kay wè ki sa nou sa apwann konsèné Jéhova lè nou wè sé bèl kawaktè-a lézòm ni.
4. La ni yon Kwéyatè ki fè tout bagay
Lézòm ka sèvi sa yo apwann an kwéyasyon pou fè bagay ki byen bèl èk enpòtan. Pou ègzanp, yo sèvi sa yo apwann hòd sé jibyé-a pou fè plén. Èvèk moun ka ba yo tèlman lonnè pou sé bagay sala. Mé ki moun ou kwè ki sipozé twapé pli lonnè? Lézòm ki kòpi sa yo wè an kwéyasyon, ében Moun-lan ki fè sé bagay-la nou ka wè an kwéyasyon? Annou gadé VIDÉYO-A, Sé Wézon-an Nou Ka Kwè An Bondyé èk apwé nou kay kozé asou kwèsyon sala:
-
Ki diféwan bagay lézòm ja fè épi sa yo òbzòvé an kwéyasyon?
Lè nou wè on kay, nou sav sé on moun ki bati kay-la. Konsa, lè nou wè sé bèl bagay-la an kwéyasyon, ki pli otan èstòdinè pasé yon kay, nou ni pou mandé: “Ki moun ki fè yo?“ Annou li Hibrou 3:4, èk apwé nou kay kozé asou sé kwèsyon sala:
-
Ki diféwan bagay ou kontan wè an kwéyasyon?
-
Ès ou ka kwè la ni yon Kwéyatè ki fè tout bagay? Pouki ou ka kwè sa?
Ès ou té sav?
Ou sa twapé atik èk vidéyo asou sijé sala hòd jw.org anba “Was It Designed?” èk “Viewpoints on the Origin of Life.”
“Chak kay ni an moun ki batiʼy, mé sé Bondyé ki fè tout bagay mannyè yo yé-a”
5. La ni bon wézon pou kwè sa Bib-la ka di konsèné kwéyasyon
An Jennésis chapit 1, Bib-la ka di nou ki moun ki fè latè-a, èk ki mannyè lavi té koumansé asou latè-a. Ès ou sa kwè listwa sala? Ében, ès ou ka kwè i sé on mansonj? Annou gadé VIDÉYO-A, Ès Sé Bondyé Ki Fè Syèl-la Èk Latè-a?—An Ti Pòsyon èk apwé nou kay kozé asou kwèsyon sala:
-
Ès Bondyé té pwan sis (6) jou ki ni vennkat (24) nèditan chak, pou fè latè-a épi tout sa ki adan’y?
-
Ès la ni bon wézon pou kwè sa Bib-la ka di konsèné kwéyasyon? Pouki ou ka kwè sa?
Annou li Jennésis 1:1, èk apwé nou kay kozé asou kwèsyon sala:
-
Siyantis ka di inivès-la té ni on koumansman. Ki mannyè sa siyantis di ka dakò épi sa nou djòs li an Jennésis 1:1?
Adan moun vlé konnèt si sé évolousyon Bondyé té sèvi pou fè lavi. Annou li Jennésis 1:21, 25, 27, èk apwé nou kay kozé asou sé kwèsyon sala:
-
Ès Bib-la ka di, Bondyé sèvi évolousyon b pou fè pwéson, zannimo épi lézòm? Ében, ès Bondyé fè tout lavi silon ‘kalité’ yo?
6. Bondyé fè lézòm spésyal
Jéhova pa fè lézòm menm kon sé zannimo-a. I fè lézòm diféwan èk spésyal. Annou li Jennésis 1:26, èk apwé nou kay kozé asou kwèsyon sala:
-
Si lézòm ki fèt an imaj Bondyé sa moutwé lanmityé èk konpasyon, kisa sa ka di nou konsèné kawaktè Bondyé?
ADAN MOUN KA DI: “Sa Bib-la ka di konsèné kwéyasyon, sé yon mansonj.”
-
Pou ou menm, kisa ou kwè? Poutji ou ka kwè sa?
CHONJÉ SÉ PWEN SALA
Jéhova fè tout bagay ki an syèl-la èk asou latè-a.
Annou Wivizé Sa Nou Ja Apwann
-
Kisa Bib-la ka di konsèné mannyè-a inivès-la koumansé?
-
Ès Bib-la ka di, Bondyé sèvi évolousyon pou fè pwéson, zannimo, épi lézòm? Ében ès Bondyé fè tout lavi silon kalité yo?
-
Pouki lézòm spésyal?
LÒT ENFÒMASYON OU SA GADÉ
Gadé ègzanp an kwéyasyon ki ka moutwé la ni yon Kwéyatè.
Gadé mannyè yon papa ka édé jenn tibway li pou konpwann sa Bib-la ka di konsèné kwéyasyon.
Li atik sala pou wè si évolousyon ka dakò épi Bib-la.
“Ès Bondyé Té Sèvi Évolousyon Pou Fè Tout Diféwan Kalité Lavi?” (yon atik asou jw.org)
Li ti liv sala pou wè si siyans èk zo ki té la dépi tan lontan, ka moutwé lavi té ni on Kwéyatè.
Senk (5) Kwèsyon Ou Sa Mandé—Konsèné Mannyè-a Lavi Té Koumansé (ti liv)
