LISON 13
Mannyè Fo Wilizyon Ka Sali Non Bondyé
Bib-la di lanmityé sé kawaktè Bondyé. Mé, magwé plizyè wilizyon ka di yo ka sèvi Bondyé, Dyé lanmityé-a, yo pa ka moutwé lanmityé, èk yo ka fè an chay mové bagay. Poutji sa ka fèt? Sa ka fèt paski sé wilizyon sala fo, èk sa yo ka fè ka sali non Bondyé. Ki mannyè yo ka sali non Bondyé? Ki mannyè sa ka fè Bondyé santi? Èvèk kisa Bondyé kay fè épi fo wilizyon?
1. Ki mannyè fo wilizyon ka sali non Bondyé épi sa yo ka enstwi?
Fo wilizyon wifizé kwè lavéwité-a konsèné Bondyé. Pito, yo ka “kwè mansonj”. (Ronm 1:25) Pou ègzanp, Bib-la di i enpòtan pou sèvi non Bondyé. (Ronm 10:13, 14) Mé plizyè wilizyon pa ka enstwi pèp yo pou sèvi non Bondyé. Lè bagay mové fèt, adan mèt wilizyon ka jis di: “Sa sé divwa Bondyé”. Mé sa sé an mansonj. Paski Bib-la di, Bondyé pa ka fè bagay ki pa bon. (Li Jémz 1:13.) Malèwèzman, mansonj sala ka fè’y difisil pou moun enmen Bondyé.
2. Ki mannyè fo wilizyon ja sali non Bondyé épi aksyon yo?
Fo wilizyon pa ka twété moun mannyè-a Jéhova ka twété moun. Bib-la di Jéhova pa ka obliyé “sé péché-a [fo wilizyon] ja fè-a”. (Wévélasyon 18:5) Pou plizyè san lanné, fo wilizyon ja éséyé pou enflouwansé sa sé gouvèdman-an ka fè. Osi, yo ka sipòté ladjè, èk yo ja tjwé èben annékòz plizyè mil moun pou pèd lavi yo. Adan sé mèt wilizyon-an vlé vini wich, konsa yo ka fòsé pèp yo pou ba yo lajan. Sé aksyon sala ka moutwé a klè, yo pa konnèt Bondyé. Alò, yo pa ni pyès dwa pou di, yo ka sèvi Bondyé.—Li 1 Jan 4:8.
3. Kisa Bondyé kay fè épi fo wilizyon?
Si’w ka santi faché lè’w katjilé asou sé mové bagay-la fo wilizyon ja fè, ki mannyè ou kwè Jéhova ka santi? Jéhova enmen moun, konsa i faché kont mèt wilizyon ki ka maltwété pèp yo, èk ki ka sali non’y. I pwonmèt i kay détwi tout fo wilizyon èk “pyèsonn pa kay janmen wè [yo] ankò”. (Wévélasyon 18:21) Wi sa sé pwonmèt Bondyé, èk nou asiwé touswit i kay fè’y.—Wévélasyon 18:8.
ANNOU APWANN PLI
Apwézan, annou apwann pli konsèné santiman Bondyé pou fo wilizyon, èk lòt mové bagay fo wilizyon ja fè. Èk osi, ou kay apwann pouki ou pa sipozé kité sa fo wilizyon ja fè anpéché’w vansé pwé Jéhova.
4. Sé pa tout wilizyon ki ni favè Bondyé
An chay moun kwè wilizyon menm kon diféwan chimen ki ka mennen’w menm koté-a. Yo kwè tout wilizyon sa édé nou pou vansé pwé Bondyé. Mé ès sa vwé? Annou li Mafyou 7:13, 14, èk apwé nou kay kozé asou kwèsyon sala:
-
Kisa Mafyou 7:13, 14 ka di konsèné chimen lavi étonnèl-la?
Annou gadé VIDIYO-A, èk apwé nou kay kozé asou kwèsyon sala:
-
Ès Bib-la ka di tout wilizyon dwèt an zyé Bondyé?
5. Fo wilizyon pa ka imité lanmityé Bondyé
Fo wilizyon ja sali non Bondyé an plizyè diféwan mannyè. Yonn an sé mannyè-a ki pli mové, sé lè fo wilizyon ka antwimélé an ladjè. Pou wè yon ègzanp, annou gadé VIDIYO-A, èk apwé nou kay kozé asou sé kwèsyon sala:
-
Kisa an chay wilizyon té fè diwan Dézyenm Gwo Ladjè-a?
-
Kisa ki katjil ou konsèné sa sé wilizyon-an té fè-a?
Annou li Jan 13:34, 35 èk chapit 17:16, èk apwé nou kay kozé asou sé kwèsyon sala:
-
Ki mannyè ou kwè Jéhova ka santi lè wilizyon ka sipòté ladjè?
-
Fo wilizyon koupab pou an chay mové bagay ki ja fèt. Kisa ou menm ja wè ki ka moutwé’w, fo wilizyon pa ka imité lanmityé Bondyé?
Wilizyon ki fo pa ka imité lanmityé Bondyé
6. Bondyé vlé édé moun kité fo wilizyon
Annou li Wévélasyon 18:4, a èk apwé nou kay kozé asou kwèsyon sala:
-
Ki mannyè ou ka santi pou konnèt Jéhova vlé moun sòti an fo wilizyon?
7. Kontiné apwann konsèné Dyé vwé-a
Ès nou sipozé kité sé mové bagay-la fo wilizyon ja fè-a anpéché nou vansé pwé Jéhova? Imajiné an gason ki kité kay papa’y paski i pa vlé obéyi papa’y. Èk i koumansé fè an chay mové bagay, mé papa-a pa dakò épi sé bagay-la i ka fè-a. Ès ou té kay blanmé papa-a pou tout sé mové bagay-la gason’y ka fè-a?
-
Fo wilizyon ja fè an chay mové bagay. Ès ou kwè nou sipozé blanmé Jéhova, èk doubout apwann konsèné’y pou lapéti sa?
ADAN MOUN KA DI: “Mwen pa entéwésé an Bondyé paski wilizyon ja fè twòp mové bagay.”
-
Ès sé kon sa ou ka santi?
-
Pouki nou pa sipozé kité sé mové bagay-la fo wilizyon ja fè-a anpéché nou vansé pwé Jéhova?
CHONJÉ SÉ PWEN SALA
Fo wilizyon ja sali non Bondyé an aksyon yo, èk an sa yo ka enstwi. Bondyé kay détwi fo wilizyon.
Annou Wivizé Sa Nou Ja Apwann
-
Ki mannyè ou ka santi konsèné sa fo wilizyon ka enstwi, èk sé mové bagay-la yo ja fè-a?
-
Ki mannyè Jéhova ka santi konsèné fo wilizyon?
-
Kisa Bondyé kay fè épi fo wilizyon?
LÒT ENFÒMASYON OU SA GADÉ
Apwann konsèné dé (2) mannyè fo wilizyon ka déplè Bondyé.
“Ès Tout Wilizyon Sé Menm? Ès Yo Tout Ka Édé’w Vansé Pwé Bondyé?” (yon atik asou jw.org)
Pouki Jéhova vlé nou asanmblé épi lòt fwè èk sè pou adowé’y?
“Ès I Nésésè Pou An Moun Asosiyé Épi An Wilizyon Pou’y Sa Adowé Bondyé?” (yon atik asou jw.org)
An pwèt té twakasé a kòz di sé mové bagay-la wilizyon’y té ka fè. Mé sa pa té anpéché’y apwann lavéwité-a konsèné Bondyé.
Pou plizyè san lanné, fo wilizyon ja enstwi mansonj konsèné Bondyé. Èk sé mansonj sala ka fè moun kwè Bondyé méchan èk i pa mélé épi yo. Apwann lavéwité-a konsèné twa (3) an sé mansonj sala.
“Mansonj Ki Ka Fè’y Difisil Pou Moun Enmen Bondyé” (Gad-la, li 1 Novanm, 2013)
