LISON 15
Ki Moun Jézi Yé?
An chay moun ja tann konsèné Jézi, mé, yo pa konnèt djè konsèné ki moun i vwéman yé. Osi, plizyè moun ni diféwan katjil konsèné ki moun Jézi yé. Kisa Bib-la ka di nou konsèné Jézi?
1. Ki moun Jézi yé?
Jézi sé an nanj an syèl ki ni an pil pouvwa. Jéhova té fè Jézi avan i té fè tout lòt bagay. Pou wézon sala Kòlòsé 1:15 ka di: ‘Jézi . . . sé pwèmyé Gason Bondyé, épi i èkzisté avan tout lòt bagay ki janmen fèt.’ Bib-la ka osi kwiyé Jézi “sèl Gason” Bondyé. (Jan 3:16) Sa vlé di, sé Jézi sèlman Jéhova té fè pa kò’y. Jézi té twavay épi Papa’y pou plizyè lanné. I té édé Jéhova pou fè tout bagay an syèl-la èvèk tout bagay asou latè-a. (Li Pwovèb 8:30.) Konsa, Jézi ni on bon wilasyon épi Papa’y Jéhova. Osi, Bib-la ka kwiyé Jézi “Pawòl-la”. Sa vlé di, lè Bondyé ni pou voyé konmisyon èk bay diwèksyon, sé Jézi i ka sèvi.—Jan 1:14.
2. Pouki Jéhova voyé Jézi asou latè-a?
Anho dé mil (2,000) lanné ki pasé, Jéhova fè yon gwo miwak. I sèvi lisentèspwi’y pou mété lavi Jézi an matwis Mari. An mannyè sala, Jézi té fèt kon yon tibébé asou latè-a. (Li Louk 1:34, 35.) Jéhova voyé Jézi asou latè-a pou vini Mèsaya-a èk pou sové lézòm. a Jézi té fè tout sa Jéhova té di Mèsaya-a té kay fè. Konsa, sa té édé moun wè, Jézi sé vwéman Mèsaya-a, “Gason Bondyé ki ka viv pou tout tan”.—Mafyou 16:16.
3. Ki koté Jézi yé atjwèlman?
Apwé Jézi mò, Jéhova wésisité’y kon yon nanj èvèk i witounen an syèl. Lè Jézi alé an syèl, “Bondyé lévéʼy épi i ba li on pozisyon ki pli ho pasé tout lòt pozisyon an syèl”. (Filipay 2:9) Apwézan, Jézi sé an nanj an syèl ki ni an pil pouvwa. Sé Jéhova sèlman ki ni pli pouvwa pasé Jézi.
ANNOU APWANN PLI
Apwézan, annou apwann konsèné ki moun Jézi vwéman yé, épi pouki i si tèlman enpòtan pou apwann konsèné’y.
4. Jézi pa Bondyé
Bib-la ka enstwi magwé Jézi ni an chay pouvwa, i ka obéyi Papa’y èk Bondyé’y, Jéhova. Konsa Jézi pa Bondyé. Annou gadé VIDIYO-A, pou nou wè ki mannyè Jézi èk Bondyé diféwan.
Sé lévanjil sala kay édé nou konpwann diféwans-lan ant Jézi èvèk Jéhova. Annou li chak lévanjil, èk apwé nou kay kozé asou sé kwèsyon-an:
Annou li Louk 1:30-32.
-
Kisa nanj-lan té di Mari, ki ka moutwé Jézi èk Dyé Jéhova diféwan?
Annou li Mafyou 3:16, 17.
-
Kon Jan Batis fin batizé Jézi, on vwa sòti an syèl. Kisa vwa-a té di?
-
Vwa ki moun ou kwè sa té yé?
Annou li Jan 14:28.
-
Kilès ki pli gwan èk ki ni pli lotowité, yon papa ében yon gason?
-
Jézi té kwiyé Jéhova Papa’y. Kisa sa ka di nou?
Annou li Jan 12:49.
-
Ès Jézi ka kwè i épi papa’y sé menm moun-lan? Ès ou kwè Jézi épi papa’y sé menm moun-lan?
5. Pwèv ki ka moutwé Jézi sé Mèsaya-a
Bib-la ni plizyè pwofèsi konsèné Mèsaya-a, moun-lan Bondyé chwazi pou sové lézòm. Sé pwofèsi sala té édé moun pou idantifyé Mèsaya-a. Annou gadé VIDIYO-A, Jézi Akonpli Pwofèsi pou nou wè déotwa pwofèsi Jézi té akonpli lè’y té asou latè-a.
Annou li yonndé pwofèsi Bib, èk apwé nou kay kozé asou sé kwèsyon-an:
Annou li Mayka 5:2 pou apwann ki koté Mèsaya-a té kay fèt. b
-
Ès Jézi té vwéman fèt an Bèfléyenm kon pwofèsi-a té di?—Mafyou 2:1.
Annou li Sam 34:20 èvèk Zèkaraya 12:10 pou apwann kisa Bib-la té di konsèné lanmò Mèsaya-a.
-
Silon Jan 19:33-37, ki mannyè sé pwofèsi sala té fèt vwé?
-
Ès i té posib pou Jézi awanjé tout sé bagay-la ki té nésésè pou akonpli tout sé pwofèsi-a?
-
Kisa sa ka di’w konsèné Jézi?
6. Nou ka twapé bennéfis lè nou apwann konsèné Jézi
Bib-la di i byen enpòtan pou apwann konsèné Jézi, èk sa Bondyé vlé’y fè. Annou li Jan 14:6 èk chapit 17:3, èk apwé nou kay kozé asou kwèsyon sala:
-
Pouki i byen enpòtan pou apwann konsèné Jézi?
Jézi moutwé nou mannyè pou vini jan Bondyé. I enstwi nou lavéwité-a konsèné Jéhova, èk sé li ki chimen-an pou nou sa twapé lavi étèwnèl
ADAN MOUN KA DI: “Témwen Jéhova pa ka kwè an Jézi.”
-
Ki mannyè ou té kay wéponn?
CHONJÉ SÉ PWEN SALA
Jézi sé an nanj ki ni an chay pouvwa. I sé Gason Bondyé èvèk i sé Mèsaya-a.
Annou Wivizé Sa Nou Ja Apwann
-
Pouki Bib-la ka kwiyé Jézi “pwèmyé Gason Bondyé”?
-
Kisa Jézi té ka fè avan i vini asou latè-a?
-
Ki mannyè nou sav Jézi sé Mèsaya-a?
LÒT ENFÒMASYON OU SA GADÉ
Apwann pli konsèné pouki nou sav Jézi sé Mèsaya-a.
“Ès Pwofèsi Konsèné Mèsaya-a Ka Bay Pwèv Jézi Sé Mèsaya-a?” (yon atik asou jw.org)
Apwann si Bib-la ka enstwi ki, Bondyé té vini papa Jézi an menm mannyè-a lézòm ka fè ti manmay.
“Pouki Bib-la Ka Kwiyé Jézi Gason Bondyé?” (yon atik asou jw.org)
Konsidiwé pouki dòktwin-lan, la ni twa dyé an yonn, pa on bagay Bib-la ka enstwi.
Li konsèné mannyè lavi yon madanm té chanjé, apwé i té apwann kisa Bib-la ka di konsèné Jézi.
“A Fanm Jwif Èspliké Pouki I Ègzanminé Lafwa’y” (Awake!, Mé 2013)
