LISON 46
Pouki Ou Sipozé Dèdiké Laviʼw Pou Bondyé èk Batizé?
Avan an moun sa batizé, i ni pou dèdiké laviʼy pou Bondyé. Ou ka dèdiké laviʼw pou Bondyé, lèʼw pwonmèt li an lapwiyè sé li yonn ou kay sèvi, èk ou kay mété divwaʼy pwèmyé an laviʼw. (Sam 40:8) Konsa, apwé ou fè pwonmèt sala ou ka batizé. Lèʼw batizé ou ka moutwé tout moun ou pwonmèt Bondyé pou fè divwaʼy pou tout laviʼw. Disizyon-an pou dèdiké laviʼw bay Jéhova, sé pli enpòtan disizyon-an ou kay janmen fè. Alò, kisa ki kay pouséʼw pou fè disizyon sala?
1. Kisa ki ka pousé an moun pou fè an dèdikasyon?
Lanmityé pou Jéhova ka pousé nou pou fè an dèdikasyon. (1 Jan 4:10, 19) Bib-la ka ankouwajé nou pou, “enmen Bondyé Senyèʼw épi tout tjèʼw, épi tout lam ou, épi tout lidéʼw épi èk tout kouway ou.” (Mak 12:30) Nou ka moutwé nou enmen Bondyé pa sèlman an pawòl nou, mé osi an aksyon nou. Lè yon nonm épi yon fanm vwéman enmen yonn a lòt, yo ka mayé. An menm mannyè-a, lè nou vwéman enmen Jéhova, sa ka pousé nou pou dèdiké lavi nou épi pou batizé.
2. Ki bennédiksyon Jéhova ka ba moun ki batizé kon Témwenʼy?
Lèʼw batizé ou ka antwé an fanmi Jéhova. Èk an plizyè diféwan mannyè ou kay santi mannyè Jéhova enmenʼw, épi ou kay vansé pli pwéʼy. (Li Malakay 3:16-18.) Apa di sa, ou kay ni fwè èk sè owon latè-a ki enmen Jéhova èk ki enmenʼw tou. (Li Mak 10:29, 30.) Kanmenm, la ni sèten bagay ou ni pou fè avan ou batizé. Ou ni pou apwann konsèné Jéhova, ou ni pou enmenʼy, ou ni pou mété lafwa an Gasonʼy Jézi Kwi, èk ou ni pou dèdiké laviʼw pou Jéhova. Apwé ou fè sé bagay sala ou sa batizé. Lèʼw batizé ou ka mété kòʼw asou chimen-an pou ni an bon lavi pou tout tan! Pawòl Bondyé di: ‘Batenm [ka] sové zòt apwézan.ʼ—1 Pita 3:21.
ANNOU APWANN PLI
Apwézan, annou apwann pouki i enpòtan pou ou dèdiké laviʼw pou Jéhova épi batizé.
3. Tout moun ni pou désidé ki moun yo kay sèvi
Adan jan Izwayèl té ka kwè yo té sa adowé Jéhova èk an menm di tan adowé fo dyé-a Bal. Mé, Jéhova voyé pwofèt Ilaydja pou kowijé fo katjil sala. Annou li 1 Wa 18:21, èk apwé nou kay kozé asou kwèsyon sala:
-
Ki disizyon jan Izwayèl té ni pou fè?
Menm kon jan Izwayèl, nou osi ni pou désidé ki moun nou kay sèvi. Annou li Louk 16:13, èk apwé nou kay kozé asou sé kwèsyon sala:
-
Pouki nou pa sa adowé Jéhova épi an menm di tan adowé an lòt moun ében an lòt bagay?
-
Ki mannyè nou ka moutwé Jéhova, nou chwazi pou adowéʼy?
4. Mèdité asou mannyè Jéhova ja moutwé i enmenʼw
Jéhova ja ban nou an chay bèl kado. Kisa ou kwè nou sa ba li? Annou gadé VIDIYO-A, Ofè Bondyé Sé Kadoʼw-la.
Mansyonnen déotwa mannyè Jéhova ja moutwé i enmenʼw. Annou li Sam 104:14, 15 èk 1 Jan 4:9, 10, èk apwé nou kay kozé asou sé kwèsyon sala:
-
Ki kado Jéhova ja baʼw ou vwéman kontan?
-
Ki mannyè sé kado sala ka fèʼw santi konsèné Jéhova?
Lè an moun ban nou an kado nou vwéman kontan, nou vlé moutwé yo nou apwésyé kado-a. Annou li Ditonronnonmi 16:17, èk apwé nou kay kozé asou kwèsyon sala:
-
Lèʼw katjilé asou tout sé bagay-la Jéhova ja fè baʼw, kisa sa ka pouséʼw pou fè baʼy?
5. Lèʼw dèdiké laviʼw pou Jéhova i kay baʼw an chay bennédiksyon
An chay moun ka kwè si yo popilè, ében yo ni an gwo djòb, ében yo ni an chay lajan, sa kay ba yo tjè kontan. Mé ès sa vwé? Annou gadé VIDIYO-A, Sé Foutbòl Ki Té Pli Enpòtan An Lavi Mwen èk apwé nou kay kozé asou sé kwèsyon sala:
-
Magwé fwè-a an vidiyo-a té kontan jwé foutbòl, pouki i doubout jwéʼy?
-
Fwè-a désidé pou dèdiké laviʼy pou Jéhova pito pou foutbòl. Ès ou kwè i té fè an bon disizyon? Pouki?
Avan zapòt Pòl té vini yon Kwityen, i té étidyé lwa sé Jwif-la épi an gwo titja. Konsa, i té asou chimenʼy pou ni an gwo twavay. Mé, i kité tout sa dèyè pouʼy té sa vini yon Kwityen. Ès zapòt Pòl té wigwété disizyon sala? Annou li Filipay 3:8, èk apwé nou kay kozé asou sé kwèsyon sala:
-
Pouki zapòt Pòl té di, tout sé bagay-la i kité dèyè sété “zòdi”?
-
Ki bennédiksyon zapòt Pòl twapé?
-
Kisa ki kay baʼw an pli mèyè lavi, pou sèvi tanʼw an sèvis Jéhova ében pou sèvi tanʼw pou fè lòt bagay?
Lè Pòl vini yon Kwityen, i wisouvwè otan pli pasé sa i té kité dèyè
ADAN MOUN KA DI: “I pa ka fè sans pou dèdiké laviʼw pou Bondyé.”
-
Pouki ou kwè i ka fè sans pou dèdiké laviʼw pou Jéhova?
CHONJÉ SÉ PWEN SALA
Lè nou vwéman enmen Jéhova, sa ka pousé nou pou dèdiké lavi nou pou li èk batizé.
Annou Wivizé Sa Nou Ja Apwann
-
Pouki Jéhova méwité pou nou enmenʼy èk sèviʼy épi tout tjè nou?
-
Ki bennédiksyon Jéhova ka ba moun ki batizé kon Témwenʼy?
-
Ès ou vlé dèdiké laviʼw pou Jéhova?
LÒT ENFÒMASYON OU SA GADÉ
Gadé pouki yon chantèz èk an nonm ki té ka jwé spò, chwazi pou dèdiké lavi yo pou Jéhova.
Jenn Moun Ka Mandé—Kisa Mwen Ké Fè Épi Lavi Mwen?—Nou Wéfléchi Asou Lavi Nou (6:54)
Konsidiwé lòt wézon i enpòtan pou dèdiké lavi nou pou Bondyé.
“Pouki Ou Sipozé Dèdiké Laviʼw Pou Jéhova?” (Gad-la, li 15 Janvyé, 2010)
An vidiyo mizik sala, gadé sé bennédiksyon-an moun ki dèdiké lavi yo pou Jéhova ka wisouvwè.
Li konsèné sa ki pousé yon madanm pou wéfléchi asou sa ki pli enpòtan an laviʼy, an wakont-la ki ni tit-la, “Pou Anpil Lanné Mwen Té Ka Katjilé, ‘Pou Ki Wézon Nou Asou Latè-a?ʼ”
