ASISTANS POU LÉ MALAD Souplé chonjé dépatman sala sé pou édé moun ki vwéman bizwen soukou.

ATANDAN Sé atandan-an la pou édé’w. Souplé koòpowé épi yo èk swiv diwèksyon yo ba ou konsèné koté pou pak, déplasman moun, koté pou asiz, èk lòt bagay.

BAGAY KI PÈD Si ou jwenn bagay an moun pèd mennen’y an Dépatman-an Pou Bagay Ki Pèd. Si ou menm pèd anyen, alé an dépatman sala pou wè si I la. Si ou twapé an ti manmay ki pèd, mennen’y an dépatman sala. Kanmenm, pou pa bay lòt moun mal tèt, souplé, gadé apwé manmay ou èk tjenn yo a koté’w.

BATENM Yo ja wézèvé plas douvan platfòm-lan pou moun ki kay batizé. Sé kandidat-la sipozé asiz an plas yo Sanmdi bonmaten avan diskou batenm-lan koumansé. Chak moun ni pou mennen an sèvyèt ben èk an had ben ki pwòp.

DONNASYON Yo fè gwan dépans pou la ni asé chèz, apawèy pou vidiyo èk son, èk plizyè lòt sèvis pou nou sa jwi konvansyon-an èk pou édé nou vini pli pwé Jéhova. Donnasyon volontè’w ka édé kouvè sé dépans sala èk ka osi sipòté twavay-la owon latè-a. Pou fè’y ézé ba ou, la ni bwèt pou kontwibisyon ki matjé a klè toupatou an konvansyon-an. Osi, ou sa alé asou intannèt-la asou donate.pr418.com pou fè kontwibisyon’w. Nou ka apwésyé tout donnasyon’w. Pwensipal Konmité-a ka wimèsyé’w pou jennéwozité’w ki ka moutwé ou ka sipòté lentéwé Wéyòm-lan.

PLAS POU MOUN ASIZ Souplé, moutwé lòt moun konsidéwasyon. Chonjé, ou sa wézèvé chèz sèlman bay fanmi’w, moun ki vini an menm machin épi’w, moun ki ka wèsté an menm kay épi’w, ében moun ou ka étidyé Bib-la épi. Souplé, pa kité anyen asou lòt chèz si ou pa ka wézèvé yo.

SÈVIS VOLONTÈ Si ou vlé édé épi twavay ki ni pou fèt an konvansyon-an, ou sa bay sé fwè-a an dépatman sala non’w.

Lékòl Pou Pwoklanmatè Wéyòm-lan Nou ka envité piyonnè ki ant 23 zan èk 65 an ki vlé wann Jéhova pli sèvis pou atandé mitin-nan pou moun ki vlé atandé Lékòl Pou Pwoklanmatè Wéyòm-lan. Mitin-nan kay pwan kou Dimanch apwémidi. Yo kay anonsé lè-a èk koté-a mitin-nan kay pwan kou.