“Sé Bondyé ki annékòz nonm matjé tout lévanjil.”—2 Timòfi 3:​16, Tèstèman Nèf-la.

Ou kay twouvé wépons pou kwèsyon tèl kon, “Pouki moun ka soufè?”—2 Timòfi 2:7.

Ou kay twouvé konsèy pou édé’w fè bon disizyon.—Sam 43:3.

Ou kay apwann sa Bondyé kay fè ba ou an tan ki ka vini.—Ronm 15:4.

Paski Bib-la di:

• Tout enfòmasyon-an ki andidan’y ka dakò èpi yonn a lòt. I pwan 40 nonm pli pasé 1,600 lanné pou ékwi Bib-la. Magwé majòwité di yo pa té konnèt yonn a lòt, wakont yo pa ka démanti yonn a lòt.

• Tout sa ki ékwi an Bib-la sé lavéwité. Moun enmen séwé lèwè yo. Mé sé nonm-lan ki ékwi Bib-la té onnèt. Yo ékwi ni lèwè yo ni lèwè nasyon yo.—Sam 51:​1-4.

• Tout sa Bib-la di ki kay fèt ka toujou fèt. Pa ègzanp, apipwé 2,000 lanné pasé Bib-la té ja di bagay té kay kwitik. I pa sèlman di sa ki té kay fèt, mé osi mannyè moun té kay konpòté kò yo.—Mafyou 24:​7, 8; 2 Timòfi 3:​1-5.

  Bib-la osi palé konsèné konmen lòt bagay ki ja fèt vwé. Èk wézon-an sé paski Bib-la sé Pawòl Bondyé.—2 Pita 1:21.