I Tou Pwé
1. Ou sa tann jibyé ka chanté.
Ou sa wè sé bèl flè-a.
Kon ou maché an bèl jaden’w,
Tan-an byen bèl èk tjè’w byen kontan.
Tout jan’w èk fanmi’w épi’w;
Pa dé kontan ou kontan.
Wi, bèl pawadi sala,
Té pwé, I pa té twò lwen.
2. Tout moun ka enjwi bèl kay yo.
Tout moun ka twavay ansanm.
Latè-a byen bèl, I pawfé.
I plen tout sòt kalité pyé fwi
Mango, ponm èk zannanna.
Yo mi - pawé pou manjé.
Bèl lavi nou apwézan,
Té pwé, I pa té twò lwen.
(PON)
Pa dé kontan nou tout kontan
Moun nou enmen la épi nou.
Penn èk soufwans ja dispawèt,
Jéhova fè tout bagay nèf.
3. Oliwon latè ni lapé.
Anyen pa ka twakasé’w.
Toulé swè sonmèy ou byen dou
Paski ou pawfé èk lavi’w djé.
Nou ka wimèsyé Jéhova,
Pou bonté’y èk lanmityé’y.
Sé bennédiksyon sala,
Té pwé, yo pa té twò lwen.
(PON)
Èk toulé jou, mwen ka wéjwi,
I pa menm posib pou dékwi!
Dézi mwen té, pou anbwasé’w
Jéhova fè sa vini vwé!
4. Pawadi-a tou pwé.
Pa ti anvi mwen anvi’y.
Sé an pwonmèt Jéhova fè;
Èk nou sav Bondyé pa sa manti.
Lè mwen chonjé sa ki kay fèt,
Sa ka ban mwen pli kouway.
N’a éspéwé jou sala,
Ki tou pwé, talè I wivé!
