CHANSON 10
Glowifyé Jéhova, Bondyé Nou!
-
1. Glowifyé’y! Glowifyé Bondyé!
Glowifyé gwan non Jéhova!
Vèti moun Jou Bondyé tou pwé.
Ann’ édé tout moun konnèt Bondyé.
Jéhova ja chwazi Jézi pou Wa;
I an syèl, I ka gouvèné.
Sa sé bon nouvèl, alé di tout moun
pou yo sa ni favè Bondyé.
(WÉPONS)
Glowifyé’y! Glowifyé Bondyé!
Annou fè tout moun konnèt gwan non’y!
-
2. Glowifyé’y! Annou onnowé’y!
Annou chanté pou di’y mèsi.
Glowifyé’y épi tout tjè nou.
Ann’ fè tout moun konnèt twavay li.
Menm si Dyé nou gwan èk I toupisan
I ni an chay imilité.
I sé an Papa ki plen konpasyon.
I ka wéponn lè nou pwédyé.
(WÉPONS)
Glowifyé’y! Glowifyé Bondyé!
Annou fè tout moun konnèt gwan non’y!
(Gadé osi Sam 89:27; 105:1; Jér. 33:11.)
