CHANSON 137
Sé Sè Fidèl Nou-an
-
1. Sara èk Èsta, Mari, Rouf èk lézòt,
yo sété moun ki té ni bèl kawaktè.
Bondyé té toujou pwèmyé an lavi yo.
Nou konnèt non yo, nou sav yo té fidèl.
La ni lòt madanm ki té jan Bondyé.
Nou pa konnèt non yo; mé yo té byen fidèl.
-
2. Bonté, èk kouwaj, èk lanmityé fidèl
yo sé bèl kawaktè moun ka apwésyé.
Sé madanm-lan té ni kawaktè kon sa.
Nou sa mèdité asou bon ègzanp yo.
Nou kontan pou wè sé sè-a jòdi,
ki ka wèsté fidèl an sèvis Jéhova.
-
3. Madanm èk jenn fi, manman épi tout vèv,
zòt tout ka twavay wèd an sèvis Bondyé.
Zòt ka andiwé èk zòt ka tjébé fò.
Bondyé enmen zòt èk sa zòt fè ba li.
Sé pou Jéhova kontiné benniʼw.
Toujou wèsté fidèl. Lagwas Bondyé épiʼw.
(Gadé osi Filip. 4:3; 1 Tim. 2:9, 10; 1 Pita 3:4, 5.)
