CHANSON 18
Mèsi Pou Wanson-an
-
1. Jéhova bon Papa,
nou tout douvan twòn ou
pas ou moutwé nou an chay
lanmityé èk lagwas.
Ou bay Jézi Kwi pou nou tout
sa ni lavi.
Sa sété an gwan sakwifis.
Nou vlé di’w mèsi.
(WÉPONS)
I bay lavi’y pou sové nou.
Sakwifis li libéwé nou.
Èk tout tjè nou,
nou kay di’w mèsi pou létèwnité.
-
2. Jézi bay lavi’y pou nou tout
épi tout tjè’y.
Lanmityé fè’y bay lavi’y
pou nou tout sa sové.
Sé gwanmèsi Jézi
tout lézòm ni èspwa;
Alò, nou sa viv pou tout tan—
pou lavi diwant.
(WÉPONS)
I bay lavi’y pou sové nou.
Sakwifis li libéwé nou.
Èk tout tjè nou,
nou kay di’w mèsi pou létèwnité.
(Gadé osi Hib. 9:13, 14; 1 Pita. 1:18, 19.)
