CHANSON 3
Jéhova Ka Ban Nou Fòs, Èspwa Èk Konfyans
(Pwovèb 14:26)
-
1. Dyé Jéhova, nou ka apwésyé
èspwa-a ou ban nou.
Èspwa nou tèlman wimakab,
nou vlé lézòt ni’y tou.
Mé délè, pas lavi tèlman wèd,
sa ka fè nou vini pè.
Èk èspwa nou ki té byen fò,
touswit I ka vin’ fèb.
(WÉPONS)
Nou bizwen fòs, èspwa
èk an chay konfyans.
Sé ou ki ka ban nou tout sa.
Nou ni an pil konfyans
lè nou ka pwéché
pas sipò nou sé Jéhova.
-
2. Alò Jéhova, souplé ban nou
an tjè ki kay chonjé,
sé ou ki konsolasyon nou
dépi nou twakasé.
Katjil kon sa ka fòtifyé nou
pou nou tout sa andiwé.
Kon sa, yo ka ban nou kouwaj
pou kontiné pwéché.
(WÉPONS)
Nou bizwen fòs, èspwa
èk an chay konfyans.
Sé ou ki ka ban nou tout sa.
Nou ni an pil konfyans
lè nou ka pwéché
pas sipò nou sé Jéhova.
(Gadé osi Sam 72:13, 14; Pwov. 3:5, 6, 26; Jér. 17:7.)
